51:316  croyent  en  Dieu:  autant  en  font  les  Turcs  et  les  Iuifs.  Il  est  vray  que  les  Papistes  et  les  Iuifs  semblent  plus  approcher  de  la  verite:  car  les  Iuifs  protestent  d'adorer  le  Dieu  vivant  et  celuy  qui  a  donne  sa  Loy  par  Moyse.  Mais  quoy  ?  cependant  ils  reiettent  Iesus  Christ,  qui  est  la  fin  et  la  substance  de  la  Loy.  Les  Papistes,  combien  qu'ils  facent  profession  de  Chrestiente  et  qu'ils  advouent  Iesus  Christ  pour  leur  Sauveur,  si  est-ce  qu'on  voit  bien  qu'ils  luy  font  la  guerre,  d'autant  qu'ils  ont  establi  un  service  de  Dieu  a  leur  poste,  tellement  qu'il  n'y  a  que  confusion  en  tout  ce  qu'ils  font.  Quant  aux  Turcs,  ils  diront  assez,  Dieu  tout-puissant,  createur  du  ciel  et  de  la  terre.  Mais  pensons-nous  que  Dieu  se  vueille  renoncer,  et  qu'il  vueille  retracter  ce  qu'il  a  dit,  c'est  a  scavoir  qu'on  ne  peut  venir  a  luy  sinon  par  son  Fils  bien-aime  qu'il  a  constitue  Mediateur  entre  luy  et  les  hommes  ?  Apres,  nous  voyons  comme  les  Papistes  diront  bien  qu'ils  croyent  en  Dieu:  mais  cependant  ils  veulent  avoir  des  patrons  et  advocats  pour  y  avoir  acces.  Et  puis  ce  ne  leur  est  point  assez  qu'ils  ayent  este  rachetez  par  le  sang  de  nostre  Seigneur  Iesus  Christ:  il  faut  apporter  nos  merites  et  nous  racheter  par  nos  satisfactions  :  quand  nous  avons  offense  Dieu,  il  faut  avoir  un  tel  moyen  et  tel.  Quand  donc  on  voudra  examiner  ce  que  les  Papistes  croyent,  il  est  certain  qu'ils  croyent  a  leurs  songes,  et  tout  ce  qu'ils  font  est  un  labirinthe  confus:  car  ils  meslent  parmi  Iesus  Christ,  tout  ce  qui  leur  vient  en  fantasie,  et  nous  scavons  qu'il  faut  qu'il  demeure  en  son  entier.  Nous  voyons  donc  comme  sainct  Paul  nous  amene  a  un  vray  examen  de  nostre  foy,  c'est  a  scavoir,  quand  nous  demeurons  arrestez  en  Iesus  Christ,  et  que  nous  sentons  que  nous  sommes  vuides  de  tout  bien,  et  que  c'est  de  sa  plenitude  qu'il  nous  faut  puiser  pour  estre  rassasiez  de  tous  biens,  autrement  malheur  sur  nous.  Car  quand  nous  aurions  tous  les  Anges  de  paradis  de  nostre  coste,  s'ils  estoit  possible,  il  est  certain  qu'il  n'y  auroit  que  confusion,  si  nous  n'avons  ce  chef,  comme  sainct  Paul  en  parle  en  l'Epistre  aux  Coloss,  au  premier  et  second  chap.  Voila  donc  ce  'que  nous  avons  a  retenir  de  ceste  sentence.  Or  apres  que  sainct  Paul  a  dit  qu'il  rendoit  graces  a  Dieu  de  ce  qu'il  voyoit  desia  en  l'Eglise  d'Ephese,  il  adiouste  qu'il  le  prie  aussi.  C'est  pour  monstrer  quand  nous  voyons  des  dons  excellens  de  Dieu  qu'il  a  eslargis  a  ses  enfans,  qu'encores  avonsnous  besoin  de  le  requerir  qu'il  poursuyve  et  continue,  voire  pour  deux  causes.  Car  celuy  qui  est  debout  pourra  bientost  trebuscher:  et  puis  il  faut  que  Dieu  augmente  de  plus  en  plus  ses  graces.  Car  ceux  qui  cuident  estre  les  plus  parfaits,  quand  ils  auroyent  bien  sonde  leurs  povretez,  ils  auroyent  de  quoy  estre  confus.  Voila  donc  ou  S.  Paul  nous