50:316  pour  profaner  le  nom  de  Dieu,  pour  l'attribuer  a  leurs  idoles,  voila  pourquoy  il  faut  que  ceste  vaine  opinion  soit  retranchee.  Et  auiourd'huy  nous  oyons  comme  le  Pape,  et  toute  ceste  infection  de  son  clerge,  pretendent  qu'ils  sont  vicaires  de  Iesus  Christ,  qu'ils  representent  l'Eglise,  qu'ils  sont  successeurs  des  Apostres.  Il  faut  bien  que  tout  cela  soit  abatu,  ou  nous  ne  scaurions  quelle  foy  nous  devrions  tenir.  Voila  donc  comme  sainct  Paul  met  ici  en  avant  les  Anges:  comme  s'il  disoit,  quelque  authorite  des  hommes  qu'on  allegue,  on  ne  pourra  point  apporter  aucun  preiudice  ni  a  Dieu,  ni  a  sa  parole:  car  il  faut  qu'elle  ait  son  degre  souverain,  et  que  ce  qui  est  mis  haut  et  excellent  en  ce  monde,  soit  abatu  et  mis  dessous:  et  non  seulement  des  creatures  -mortelles,  mais  aussi  des  Anges,  tellement  que  s'il  pouvoit  advenir  (ce  qui  est  impossible)  qu'un  Ange  se  dressast  contre  Dieu,  on  le  doit  avoir  en  detestation.  Or  en  cela  ne  pensons  point  que  les  Anges  se  sentent  iniuriez.  Car  quelle  est  leur  gloire  et  toute  leur  dignite?  C'est  de  faire  hommage  a  leur  Createur  et  a  nostre  Seigneur  Iesus  qui  est  leur  chef,  aussi  bien  que  le  nostre.  Ainsi  donc,  quand  on  emprunte  leur  nom,  a  fin  que  lesus  Christ  soit  glorifie  et  que  son  Evangile  demeure  en  son  integrite,  en  cela  les  Anges  ne  cerchent  sinon  de  ployer,  tellement  que  leur  nom  serve  a  tel  usage:  car  c'est  leur  souverain  desir.  Voila  donc  pourquoy  S.  Paul  a  ici  emprunte  le  nom  des  Anges,  combien  qu'il  n'entende  pas  que  iamais  ils  se  puissent  retirer  de  l'obeissance  de  Dieu.  Or  il  reitere  encores  ce  mesme  propos  et  dit,  que  quiconque  apportera  un  Evangile  nouveau,  que  celuy-la  soit  tenu  comme  detestable.  Or  ici  nous  voyons  en  premier  lieu  comme  Dieu  veut  estre  honore  et  servi  de  nous  :  '  ce  n'est  point  en  autres  ceremonies  ne  facons  de  faire,  comme  les  hommes  ont  accoustume  de  faire:  mais  que  le  principal  service,  c'est  que  nous  l'escoutions,  et  que  nous  demeurions  comme  bridez,  tenans  tous  nos  sens  captifs  sous  sa  parole,  quand  il  a  parle  a  nous:  comme  aussi  il  le  proteste  en  son  Prophete  Ieremie,  Ay-ie  demande  sacrifices  de  tes  peres  ?  mais  voici  que  i'ay  requis,  et  qu'encores  i'exige  de  vous,  comme  l'hommage  que  vous  me  devez:  c'est  a  scavoir  qu'on  escoute  ma  voix.  Dieu  declare  en  ce  passage-la  que  les  hommes  pourront  beaucoup  travailler  en  apportant  leurs  devotions,  pensans  bien  luy  complaire:  qu'il  n'y  aura  que  puantise,  iusques  a  ce  que  nous  ayons  apprins  d'escouter  sa  voix  et  de  luy  obeir.  Voici  donc  un  article  qui  est  bien  potable,  a  fin  que  nous  ne  travaillans  point  en  vain  :  comme  nous  voyons  que  les  poures  Papistes  font:  et  de  tout  temps  ca  este  un  mal  commun  en  ce  monde,  que  les  hommes  scachans  bien  qu'ils