29:316  contumaciter  repudiemus:  sed  contra,  quandoquidem  nos  filiorum  loco  habere,  ipse  loco  patris  esse  vult,  tantum  beneficium  agnoscentes  nos  eius  imperio  placide  ad  vitam  et  mortem  subiiciamus.  Ergo  hic  sensus  est  horum  verborum:  Deum  terrae  fines  iudicaturum,  nempe  filio  regnum  tradendo,  per  quem  totum  suum  populum  regeret  atque  gubernaret:  quemadmodum  de  Domini  nostri  Iesu  Christi  regno  prophetae  loquuti  sunt,  ac  nominatim  quum  dicitur  Dominus  noster  Iesus  Christus,  etsi  regnum  suum  a  Sione  ubi  templum  erat  aedificatum  auspicaretur,  non  tamen  in  uno  tantum  orbis  angulo  regnaturus,  sed  regnum  suum  in  universum  orbem  longe  lateque  propagaturus.  Quam  quum  impletam  esse  prophetiam  videamus,  in  nostram  salutem  id  factum  persuasum  habeamus.  Nam  tenet  ille  noster  rex  manu  sceptrum  ad  suorum  inimicorum  ferociam  comprimendam:  unde  nobis  tanto  diligentius  cavendum  ne  in  eorum  numero  quos  horrenda  illa  confusio  excipiet  reperiamur:  sed  nos  illi  totos  permittamus  atque  subiiciamus,  certo  persuasi  nos,  si  hoc  erit  factum,  nullis  unquam  terriculamentis  exterrendos,  sed  in  salutem  omnia  nobis,  faciente  Deo,  cessura.  Quare  agite,  coram  Dei  Opt.  Max.  maiestate  facti  supplices,  ac  tot  tantaque  peccata  atque  flagitia,  quorum  sumus  coram  ipso  rei,  agnoscentes,  precemur  eum  ut  illis  sic  afficiamur  ut  ad  ipsum  confugientes  veniam  impetremus,  atque  in  dies  vias  suas  ita  nobis  proponat,  ut  in  ipsius  timore  ambulemus.  Quoniam  vero  filium  suum  Iesum  Christum  regem  ac  dominatorem  suis  fidelibus  dedit,  eius  bonitatem,  virtutem,  vires  atque  potentiam  ita  nostris  animis  percipiamus,  ut  spontaneum  obsequium  illi  exhibeamus,  atque  ad  eius  mandata  paratissimi  semper  simus,  atque  sub  eius  vexillis  ita  militemus,  ut  nos  ab  illo  adversus  quoslibet  hostium  insultus  esse  protegendos  persuasum  habeamus.  Nam  etsi  nos  mundus  tanquam  omnium  miserrimos  et  abiectI8simos  odit  et  persequitur,  ne  tamen  dubitemus  quin  satis  ille  virium  ad  nos  adversus  diaboli,  mundi,  et  aliorum  inimicorum  nostrorum  furores  tuendos  atque  protegendos  habeat.  Atque  non  nobis  solis  ete.  HOMILIA  OCTAYA.  l  l  .  Et  abiit  JElcana  in  Bamathaf  in  domum  suam:  puer  autem  erat  minister  in  conspectu  Domini  ante  faciem  Heli  sacerdotis.  12.  Porro  filii  Heli,  filii  Belial,  nescientes  Dominum.  13.  Consuetudo  autem  sacerdotum  cum  populo  erat  ut  quicunque  immolasset  victimam,  veniebat  puer  sacerdotis  dum  coquerentur  carnes,  et  habebat  fuscinam  tridentem  in