25:316  melius  esse  quam  se  Deo  subiicere,  et  prosperos  rerum  eventus  ita  relinquere  in  eius  manu  ut  ab  ipso  solo  pendeat  fiducia.  Caeterum  ne  qua  tribus  aliis  sese  praeferret,  ex  aequo  singulae  milites  dare  iussae  sunt.  Porro  missus  est  cum  illis  Phinees,  non  tam  ut  manum  consereret  cum  hoste,  vel  dux  esset  militaris,  quam  ut  ad  regendos  et  moderandos  eorum  animos  nuncius  Dei  esset  ac  interpres.  Continendi  erant  in  Dei  timore,  ad  spem  victoriae  erigendi.  Praefectus  ergo  fuit  illis  Dei  sacerdos,  ut  sacrum  esset  bellum,  quo  etiam  spectabant  tubae  argenteae,  quibus,  ex  legis  praescripto,  alibi  vidimus  Levitas  clangere  solitos,  ut  palam  fieret  proelia  non  committi,  nisi  coelestibus  auspiciis.  Sub  vasis  sacris,  recte  meo  iudicio,  arcam  foederis  comprehendi  existimant  quidam  interpretes.  7.  Et  pugnaverunt.  Praeclarum  obedientiae  exemplum,  quod  militiam  discriminis  plenam  non  detrectant  duodecim  hominum  millia:  quum  obiicere  promptum  esset,  perperam  fieri  quod  exponerentur  veluti  ad  carnificinam,  sederet  autem  in  castris  otiosus  populus,  qui  sua  multitudine,  absque  magno  negotio  hostem  fugasset  ac  profligasset.  Non  vulgare  ergo  documentum  pietatis  fuit,  morem  gerere  Dei  praecepto,  nec  ullum  ignaviae  praetextum  obtendere.  Et  Deus  etiam  re  ipsa  monstravit,  se  non  temere  proiicere  suos  in  discrimen  :  quia  penes  ipsum  sit  eripere  a  centum  mortibus  quos  recipit  in  suam  custodiam:  unde  etiam  docemur,  nullum  esse  melius  salutis  compendium  quam  sequi  quocunque  vocat.  Quae  deinde  subiicit  Moses,  ad  perseverantiae  laudem  spectant,  uno  excepto.  Recte  masculos  omnes  occiderunt  usque  ad  reges,  quos  in  strage  ipsa  vulgo  fuisse  permistos  Moses  narrat,  praesertim  quod  de  Balaam  vindictam  sumpserunt,  qui  sua  astutia  et  insidiis  conatus  fuerat  perdere  Dei  populum.  Recte  etiam  praedati  sunt  omnem  regionem:  nec  minus  probe  et  cordate  se  gesserunt  in  urbibus  ac  oppidis  delendis,  quae  pigris  et  timidis  illecebrae  esse  poterant  ad  manendum.  Nam  (ut  prius  visum  est)  tollenda  erant  omnia  impedimenta,  ut  populus  liber  et  solutus  in  terram  Chanaan  pergeret,  alioqui  proposito  otio,  libenter  se  multi  privassent  haereditate  promissa.  Incendio  igitur  consumptae  sunt  urbes,  ne  quid  remorae  afferrent  subsistere  volentibus.  Hactenus  fideliter  suis  partibus  defuncti  sunt  electi  milites:  in  uno  lapsi  sunt,  quod  avaritia  vel  libidine  impulsi,  mulieres  servarunt,  qua  de  re  mox  videbimus.  l  l  .  Tuleruntque  omnia  spolia.  Continentiae  simul  ac  modestiae  fuit,  praedam  quam  confuse  rapuerant  ad  Mosen  et  Eleazar  adducere.  Neque  inanis  fuit  pompa,  sicuti  multi  iactanter  opes  quas  volunt  supprimere  ostentant  ;  sed  animus  fuit,  in  partitione  acquiescere  Mosis  decreto.  Nam  ubi  paulo  post  Moses  dimidiam  partem  adiudicat  populo,  adeo  non