1:316  [A  23;  B  21;  C  21.  ferula  domari  et  paulatim  profligari  queat.  Voluntatem  porro  inter  rationem  et  sensum  mediam  locant,  sui  scilicet  iuris  et  libertatis  compotem  sive  rationi  obtemperare,  sive  sensui  rapiendam  se  prostituere  libeat.  21.  Non  inficiantur  quidem  interdum,  ipsa  nimirum  experientia  convicti,  quanta  cum  difficultate  rationi  apud  se  regnum  homo  stabiliat,  dum  nunc  titillatur  voluptatum  illecebris,  nunc  falsa  bonorum  imagine  deluditur,  nunc  impotenter  percutitur  immoderatis  affectibus,  et  tanquam  funibus  vel  nervis,  ut  ait  Plato,  l)  in  diversum  abripitur.  Qua  etiam  ratione  Cicero  dicit,  2)  illos  a  natura  datos  igniculos,  pravis  opinionibus,  malisque  moribus  mox  exstingui.  Ubi  vero  semel  occuparunt  in  animis  dominium  3)  eiusmodi  morbi,  impotentius  grassari  fatentur,  quam  ut  facile  coercere  eos  liceat;  nec  dubitant  ferocibus  equis  comparare,  qui  exturbata  ratione,  ceu  auriga  excusso,  intemperanter  ac  sine  modo  lasciviant.  Hoc  tamen  extra  controversiam  ponunt,  virtutes  et  vitia  in  nostra  esse  potestate.  Nam  si  nostrae,  inquiunt,  4)  electionis  est  hoc  aut  illud  agere,  ergo  et  non  agere.  Rursum,  si  non  agere,  ergo  et  agere.  Libera  autem  electione  agere  videmur  quae  agimus,  et  ab  iis  abstinere  quibus  abstinemus;  ergo  si  quid  boni  agimus,  ubi  libeat,  possumus  illud  omittere;  si  quid  mali  perpetramus,  possumus  id  quoque  fugere.  5)  Quin  etiam  eo  licentiae  quidam  6)  eorum  proruperunt,  ut  iactarint  deorum  quidem  esse  munus  quod  vivimus;  nostrum  vero,  quod  bene  sancteque  vivimus.  Haec  ergo  philosophorum  omnium  sententiae  summa  est:  humani  intellectus  rationem  rectae  gubernationi  sufficere;  voluntatem  illi  subiacentem  a  sensu  quidem  ad  mala  sollicitari;  sed  ut  liberam  electionem  habet,  impediri  nequaquam  posse  quin  rationem  ducem  per  omnia  sequatur.  22.  Inter  scriptores  christianae  professionis,  tametsi  nemo  exstitit  qui  non  agnosceret  et  sanitatem  rationis  in  homine  graviter  ex  peccato  vulneratam,  et  voluntatem  pravis  cupiditatibus  valde  implicitam  esse,  multi  tamen  eorum  longe  plus  aequo  philosophis  accesserunt.  Ex  quibus  veteres  mihi  videntur  hoc  consilio  vires  humanas  sic  extulisse,  ne  si  impotentiam  diserte  essent  confessi,  primum  philosophorum  ipsorum  cachinnos,  quibuscum  tunc  certamen  habebant,  excuterent;  deinde  carni  suapte  sponte  nimis  ad  bonum  torpenti,  novam  desidiae  1)  Lib.  1.  de  Legibus.  2)  Lib.  3.  Tusc.  3)  sic  1539.  1543.  tum  1545.  vitiose  dominum  et  inde  1550  et  seqq.  ex  coni.  hominum.  4)  Vide  apud  Arist.  lib.  3.  Ethic.  c.  5.  5)  Sic  legitur  inde  a  1550.  In  edd.  1539.  1543  fuerat:  si  quid  boni  agimus,  si,  ubi  libeat,  possimus  illud  omittere,  si  quid  mali  perpetramus,  possimus  etc.  Idem  habet  1545  solummodo  postremum  possimus  mutat  in  possumus,  quod  et  ipsum  commodum  sensum  praebet.  Verum  contextui  unice  convenit  lectio  recentior.  6)  Seneca.