9:315  315  RESPONSIO  ALTERA  316  spondeas,  ex  auditu:  verum  hoc  quidem  est,  sed  non  absque  speciali  spiritus  revelatione.  Paucitatem  eorum  quibus  brachium  Domini  revelatum  est,  cum  exclamatione  miratur  Isaias  (53,  1).  Et  Paulus  (Rom.  10,  16)  donum  fidei  ad  electos  restringens,  illius  testimonio  utitur.  Tu  discrimen  nullum  admittis.  Clamat  quidem  Christus:  Venite  ad  me  omnes  qui  laboratis  (Matth,  l  l  ,  28).  Sed  idem  alibi  clamat:  Nemo  [pag.  113]  venit  ad  me  nisi  pater  meus  traxerit  eum  (Ioann.  6,  44)  :  neque  secum  pugnat,  ubi  omnes  sine  exceptione  externa  voce  ad  se  invitans,  dicit  tamen  neminem  quidquam  percipere,  nisi  datum  ei  fuerit  e  coelo:  neque  alios  ad  se  venire,  nisi  quia  a  patre  dati  sunt  (ib.  v.  65).  Alium  etiam  locum  non  minus  turpiter  suillo  tuo  rostro  conspurcas,  dicens  luce  iustitiae  Christi  illuminari  omnem  hominem  venientem  in  mundum  (Ioann.  1,  9).  Quasi  vero  non  subiiceret  continuo  post  Ioannes,  lucem  in  tenebris  lucere,  et  a  tenebris  non  comprehendi  (v.  5):  quibus  verbis  significat  quidquid  rationis  et  intelligentiae  datum  erat  hominibus  ab  initio,  suffocatum  esse  et  prope  exstinctum:  nec  aliud  superesse  remedium,  quam  ut  Christus  caecos  illuminet.  Verum  quidem  est,  Christum  nemini  petenti  gratiam  negasse:  sed  non  reputas  vota  et  preces  a  spiritu  sancto  dictari  :  imo  fidem,  quae  gratuitae  electionis  fructus  est,  clavem  esse  quae  precibus  ianuam  aperit.  Haec  rudimenta  [pag.  114]  quum  ignores,  quibus  sublatis  evangelium  a  mysteriis  Proserpinae  vel  Bacchanalibus  nihil  differet,  mirum  est  inter  Christianos  reperiri,  qui  se  tam  prodigiosis  erroribus  illaqueent.  Quod  a  Deo  meo  similes  dicis  formari  discipulos,  crudeles,  invidos,  calumniatores,  superbos,  aliud  in  lingua  aliud  in  corde  gerentes,  ad  hanc  tuam  dicacitatem  refutandam  non  tam  verbis,  quam  re  ipsa  instructus  prodibo:  quia  maledicendo  non  oblector,  per  me  sepulta  maneant  tua  flagitia:  nisi  quod  unum  breviter  coram  Deo  testari  licet,  atque  operae  pretium  est:  quum  te  domi  meae  aluerim,  me  nullum  unquam  vidisse  magis  superbum,  vel  magis  perfidum,  vel  humanitatis  expertem.  Qui  te  et  impostorem,  et  cynicae  impudentiae  deditum,  et  scurram  ex  professo  pietati  oblatrantem  non  agnoscunt,  nihil  prorsus  iudicant.  Saevitiam  meam  in  quo  accuses,  audire  cupio:  nisi  forte  in  magistri  tui  Serveti  morte,  pro  quo  tamen  [pag.  115]  me  fuisse  deprecatum  testes  sunt  ipsi  iudices,  ex  quorum  numero  tunc  duo  erant  strenui  eius  patroni.  Sed  de  me  plus  satis.  Quales  doctrina  mea  fructus  tam  in  hac  urbe,  quam  longe  lateque  in  multis  regionibus  pariat,  considerandum  xelinquo.  Quotidie  ex  hac  schola,  quam  tam  atrociter  proscindis,  Deus  sibi  eligit  optimi  et  suavissimi  odoris  victimas  ad  illustrandam  evangelii  sui  doctrinam.  In  ea  qui  proficiunt,  quorum  saltem  non