6:315  RESPONSIO  CONTRA  PIGHIUM  verit  quod  inveniat.  Agedum,  illud  quod  in  clausula  ponit  Pighius,  sine  fuco  amplectamur:  ita  nos  asserere  arbitrii  libertatem,  ut  tamen  nihil  nobis  ex  nobis  inesse  confiteamur:  et  pax  inter  nos  constabit.  Sed  quia  toto  impetu  ad  faciendum  fucum  rapitur,  quid  hoc  valeat,  non  animadvertit.  Sed  obiicit  aliam  sententiam,  ex  Homilia  53.  in  Ioannem:  tametsi  locum  non  designat.  Nemo  sic  audeat  defendere  liberum  arbitrium,  ut  invocandum  neget  gratiae  auxilium;  nec  quisquam  sic  neget  voluntatis  arbitrium,  ut  quod  inde  necessario  consequitur,  audeat  excusare  peccatum.  Sed  quo  iure  Pighio  licuit,  parenthesin  hanc  attexere  de  suo,  ac  sic  inserere  contextui,  ut  pars  esse  videretur?  Qua  necessitate  magis  sequitur,  excusari  peccatum,  si  liberum  arbitrium  negatur,  quam  tolli  gratiae  auxilium,  ubi  statuitur?  Periculum  est,  ne  liberum  arbitrium  asserendo,  iniuria  fiat  Dei  gratiae:  rursum  ne,  id  quoque  negando,  praetextus  excusationi  impiorum  detur.  Utrumque  [pag.  115]  cavendum  admonet  Augustinus,  sicut  nos  diligenter  admonemus.  Si  necesse  est,  autore  Pighio,  ubi  liberum  arbitrium  negatur,  excusari  peccata,  cur  destrui  Dei  gratiam  minus  necesse  erit,  si  asseratur?  Hoc  si  suo  nomine  dixisset,  iuberem  cum  suis  ineptiis  procul  facessere.  Nunc  1)  quum  Augustino  affinxerit,  cur  non  falsarium  nominem?  Porro  falsam  hanc  adiectionem  tolle,  quid  illic  est,  quod  nobis  adversetur?  Caveri  vult  Augustinus,  ne  impiis  detur  aliquis  praetextus  ad  excusanda  peccata.  An  non  hoc  sedulo  observamus?  Nam  et  sponte  dicimus  peccare,  quicunque  peccant,  eoque  ipso  convictos  teneri,  ne  se  a  reatu  eximant.  Iusto  Dei  iudicio  damnari,  qui  eius  iustitiam  violaverint,  cui  subiectos  esse  nos  omnes  decet:  naturae  vero  imbecillitatem  aut  impotentiam  frustra  praetexere,  cuius  sibi  culpam  imputare  debeant.  Itaque  quod  perperam  in  nos  torquere  Pighio  libuit,  nos  non  parum  adiuvat.  Nam  quum  hac  exceptione  contentus  sit  Augustinus,  nobiscum  illi  bene  convenire,  quis  non  videt?  Praestamus  enim  fideliter  quod  requirit,  dum,  hac  moderatione  adhibita,  ne  peccata  sua  excusent  homines,  liberum  arbitrium  negamus.  Sed  formidabilem  machinam  habere  se  Pighius  putat,  ex  libris,  quos  ad  Valentinum  scripsit  idem  Augustinus.  Nam  quum  suspicarentur  tunc  multi,  defendi  liberum  arbitrium  non  posse,  sine  gratiae  iniuria:  ad  hunc  errorem  refellendum,  prior,  inquit,  ad  Valentinum  liber  a  sancto  viro  scriptus  est:  ubi  suam  de  gratia  et  libero  arbitrio  doctrinam  sic  temperat,  ut  simul  conveniant.  Nam  et  in  ipso  libri  exordio  sufficienter  praedicari  in  scripturis  li-  1)  Sic  bene  princeps  et  Gallasius.  Gallus  vertit:  Mais.  Bezae  editio  exhibet:  Nam,  quod  deinde  Amstelodamensis  ex  coniectura  mutavit  in:  Iam.