55:315  315  EPIST.  IOHANNIS  316  effectum  et  causam:  deinde  ita  inter  se  connexi  sunt  ut  divelli  nequeant.  Dicet  postea  Iohannes  capite  tertio,  falso  nos  iactare  dilectionem  Dei,  nisi  proximos  diligimus  :  atque  id  verissimum  est.  Nunc  vero  caritatem  erga  proximos,  tanquam  testimonium  sumit,  quo  probamus  Deum  a  nobis  diligi.  In  summa,  quum  caritas  sic  Deum  respiciat,  ut  in  Deo  complectatur  homines:  nihil  in  eo  absurdi,  quod  de  caritate  disputans  apostolus  promiscue  nunc  ad  Deum,  nunc  ad  fratres  refert.  Atque  hic  familiaris  est  scripturae  usus.  Saepe  tota  vitae  perfectio  statuitur  in  amore  Dei:  rursum  Paulus  docet  totam  legem  implere,  qui  proximum  diligit  (Rom.  13,  8):  et  Christus  pronuntiat  haec  esse  legis  praecipua,  iustitiam,  iudicium,  et  veritatem  (Matth.  23,  13).  Utrumque  verum  est,  ac  optime  convenit:  quia  et  amor  Dei  nos  ad  homines  diligendos  instituit:  et  re  ipsa  testamur  nostram  in  Deum  pietatem,  homines  ex  iussu  eius  amando.  Quidquid  sit,  fixum  hoc  semper  maneat,  caritatem  esse  dirigendae  vitae  scopum.  Quod  eo  diligentius  notandum,  quia  quidvis  potius  omnes  fere  eligunt,  quam  unicum  hoc  Dei  mandatum.  Eodem  pertinet  quod  sequitur,  Non  e  s  s  e  offendiculum  ubi  est  studium  caritatis.  Nam  qui  vitam  suam  ita  format,  nunquam  impinget.  11.  Fratrem  suum  odit  Rursum  admonet,  quamlibet  praeclaram  virtutis  speciem  ostentes,  nihil  tamen  esse  non  vitiosum  ubi  abest  caritas.  Conferatur  hic  locus  cum  13.  capite  prioris  ad  Corinthios:  et  longa  expositione  non  indigebit.  Verum  ideo  obscura  est  mundo  haec  doctrina,  quod  bona  pars  in  larvis  nescio  quibus  obstupescit.  Ita  ficta  sanctitas  omnibus  fere  oculos  perstringit:  interim  neglecta  caritas,  aut  saltem  in  postremum  angulum  reiicitur.  12.  Scribo  vobiSj  filioli:  quoniam  remittuntur  vobis  peccata  vestra  propter  nomen  eius.  13.  Scribo  vobis,  patres:  quoniam  novistis  eum  qui  est  ab  initio.  Scribo  vobis,  adolescentesy  quoniam  vicistis  malum  illum.  14.  Scribo  vobis  j  pueri:  quoniam  novistis  patrem.  Scripsi  vobis  patres  :  quoniam  novistis  eum  qui  est  ab  initio.  Scripsi  vobis,  adolescentes:  quia  fortes  estis1  et  verbum  Dei  manet  in  vobis,  et  vicistis  malum  illum.  12.  Filioli.  Haec  adhuc  generalis  est  sententia.  Neque  enim  teneram  modo  aetatem  compellat,  sed  communiter  filiolos  intelligit  omnium  aetatum  homines:  quemadmodum  primo  capite,  et  hoc  ipso  paulo  post.  Hoc  ideo  dico,  quod  interpretes  perperam  restringunt  ad  pueros.  Atqui  Iohannes  quum  de  pueris  loquetur,  rcac8��a  vocabit,  quod  nomen  aetati  congruet:  hic  autem  tanquam  spiritualis  pater,  non  senes  minus  quam  pueros  xexvia  appellat.