52:315  315  EPIST.  PAULI  AD  TIMOTHEUM  I  316  ideo  nominatim  id  cavendum  praecipit.  De  fidelibus  loquitur,  qui  suas  viduas  alere  debeant.  Nam  quae  impiae  cognationi  renuntiaverant,  eas  ab  ecclesia  suscipi  aequum  erat.  Quod  si  peccant  qui  sibi  parcentes  ecclesiam  patiuntur  sumptibus  gravari:  hinc  colligamus  quanto  sacrilegio  se  implicent  qui  fraude  aut  rapinis  profanant  quod  semel  dicatum  erat  ecclesiae.  17.  Presbyteri,  qui  bene  praesunt,  duplici  honore  digni  habeantur:  maxime  qui  laborant  in  verbo  et  doctrina.  18.  Dicit  enim  scriptura:  Non  obligabis  os  bovi  trituranti:  et,  Dignus  est  operarius  mercede  sua.  19.  Adversus  presbyterum  accusationem  ne  admittas,  nisi  sub  duobus  aut  tribus  testibus.  20.  Peccantes  coram  omnibus  argue,  ut  et  caeteri  timorem  habeant  21.  Contestor  coram  Deo1  et  Domino  Iesu  Christo,  et  electis  angelis,  ut  haec  custodias  absque  praecipitatione  iudicii,  nihil  faciens  alteram  in  partem  declinando.  17.  Presbyteri,  qui  bene.  Hoc  quoque  ad  retinendum  ecclesiae  ordinem  in  primis  est  necessarium  :  non  negligi  presbyteros,  sed  eorum  haberi  rationem.  Quid  enim  inhumanius  quam  eos  non  esse  curae,  qui  totius  ecclesiae  curam  gerunt?  Neque  enim  hic  aetatis  nomen  est  izpzofiyzepoc,  sed  officii.  Quod  d  u  p  l  i  c  em  honorem  interpretatur  Chrysostomus  victum  et  reverentiam,  non  impugno:  sequatur  eius  opinionem  qui  volet.  Mihi  tamen  probabilius  videtur,  hic  fieri  comparationem  inter  viduas  et  presbyteros.  Prius  iusserat  Paulus,  honorem  haberi  viduis  :  atqui  honore  digniores  sunt  presbyteri  quam  illae:  quare  his  duplex  honor  earum  respectu  exhibendus.  Sed  ut  ostendat  se  larvas  non  commendare,  addit,  qui  bene  p  r  a  e  s  u  n  t  :  hoc  est,  qui  fideliter  et  strenue  incumbunt  suo  muneri.  Nam  ut  centies  quis  locum  obtineat  et  titulum  iactet,  nisi  munus  simul  exerceat,  nullo  iure  stipendiis  ecclesiae  se  ali  postulabit.  Denique  significat  non  titulo  deberi  honorem,  sed  operae  quam  impendunt  in  officio  constituti.  Praefert  tamen  eos,  qui  in  verbo  et  d  o  c  t  r  i  n  a  laborant:  hoc  est,  qui  docendo  verbo  sunt  intenti.  Nam  duae  istae  voces  rem  unam  significant,  nempe  verbi  praedicationem.  Sed  ne  verbi  nomine  otiosum  studium  et  speculativum  (ut  vocant)  quispiam  intelligeret,  adiecit  doctrinam.  Colligere  autem  hinc  licet,  duo  fuisse  tunc  presbyterorum  genera:  quia  non  omnes  ad  docendum  ordinabantur.  Nam  aperte  verba  sonant,  quosdam  bene  et  honeste  praefuisse:  quibus  tamen  non  erant  commissae  docendi  partes.  Et  sane  ex  populo  deligebantur  graves  et  probati  homines,  qui  una  cum  pastoribus  communi  consilio  .et  autoritate  ecclesiae  disciplinam  administrarent,  ac  essent  quasi  censores  moribus  corrigendis.  Hunc  morem  Ambrosius  obsolevisse