50:315  315  SERMONS  316  il  est  dit  au  Pseaume  cent  et  troisieme  notamment:  et  puis  en  toute  l'Escriture  saincte  nous  voyons  qu'ils  n'ont  autre  regard,  sinon  d'obeir  simplement  a  Dieu.  Puis  donc  qu'il  est  impossible  que  les  Anges  falsifiant  la  pure  verite,  il  ne  faloit  point  que  sainct  Paul  les  mist  en  avant:  et  mesmes  on  pourroit  estimer  qu'il  leur  fait  tort  et  iniure,  veu  que  Dieu  leur  a  fait  ceste  grace  de  persister  en  son  obeissance,  et  d'estre  paisibles  pour  cheminer  comme  il  l'ordonne.  Mais  non  sans  cause  S.  Paul  a  ainsi  parle,  d'autant  que  le  diable  s'efforce  tousiours  d'amener  ce  qui  peut  estre  favorable  pour  pervertir  la  pure  doctrine.  Et  nous  voyons  comme  le  nom  de  Dieu  a  este  de  tout  temps  pretendu  par  les  seducteurs:  combien  qu'ils  n'apportassent  qu'illusions  ��t  tromperies,  si  est-ce  toutesfois  qu'ils  ont  proteste  a  pleine  bouche  d'estre  envoyez  de  Dieu.  Et  voila  pourquoy  les  Prophetes  ont  eu  grande  difficulte  de  batailler  a  l'encontre  de  ceux  qui  tachoyent  d'abuser  le  monde  par  telle  couverture;  ii  a  falu  venir  a  l'examen  pour  scavoir  si  Dieu  parloit  par  leur  bouche  ou  non.  Et  nous  scavons  aussi  ce  que  dit  S.  Pierre,  que  tout  ainsi  qu'au  peuple  ancien  il  y  a  eu  plus  d'abuseurs  qui  ont  trouble  l'Eglise,  et  y  ont  apporte  toute  confusion,  qu'il  nous  faut  apprester  aussi  auiourd'huy  d'avoir  beaucoup  de  supposts  de  Satan,  qui  tascheront  de  semer  des  zizanies,  et  que  l'Eglise  sera  tousiours  snbiete  a  cela,  pour  ce  que  Dieu  veut  descouvrir  et  esprouver  si  nous  sommes  siens  en  verite  ou  non.  Car  les  hypocrites  seront  bien  tost  esbranlez,  quand  ils  trouveront  occasion  de  changer:  il  y  aura  une  legerete  si  volage  qu'ils  trotteront  et  ca  et  la:  mais  les  enfans  de  Dieu  qui  ont  prins  une  racine  vive  et  profonde  en  l'Evangile,  ne  seront  iamais  divertis.  Et  voila  pourquoy  aussi  Dieu  lasche  la  bride  a  Satan  qui  suscite  des  faux-prophetes,  comme  il  est  dit  au  treizieme  chapitre  du  Deuteronome,  que  Dieu  veut  scavoir  par  experience  si  nous  l'aimons  ou  non:  c'est  a  dire  si  nous  luy  portons  l'honneur  qu'il  merite  pour  estre  arrestez  a  luy  et  y  estre  arrestez  d'une  vraye  constance  et  immuable.  Or  puis  qu'ainsi  est  que  le  diable  a  ainsi  trouble  l'Eglise,  et  a  seme  tellement  ses  erreurs,  qu'il  a  prins  quelque  couverture  du  nom  de  Dieu,  il  faut  que  pour  gagner  ce  poinct  et  cest  article  que  la  parole  de  Dieu  demeure  en  son  entier.  Car  quand  les  Payens  ont  adore  leurs  idoles,  ils  ont  bien  abuse  du  nom  de  Dieu:  et  c'estoit  religion  (comme  .ils  l'appeloyent)  que  de  tout  ce  qu'ils  faisoyent:  et  leur  sembloit  bien  qu'il  n'y  avoit  sainctete  au  monde,  sinon  de  suyvre  leurs  vaines  fantasies.  Mais  l'Escriture  saincte  a  l'opposite  prononce  que  tous  leurs  dieux  ne  sont  que  diables.  Et  quelle  convenance  y-a-il  entre  ces  deux  mots?  Ouy,  mais  pour  ce  que  c'estoit  un  masque  que  les  Payens  prenoyent,