49:315  315  EPIST.  PAULI  AD  CORINTHIOS  I  316  concordiae  fecisse  mentionem.  Neque  enim  modo  a  sancta  unitate  deflexisse  eos  ostendit,  sed  usque  ad  contentiones  prolapsos,  quae  dissensionibus  peiores  sunt.  Et  ne  credulitatis  nimiae  arguatur,  quasi  falsis  criminationibus  aurem  leviter  praebuerit:  laudat  suos  autores,  quos  oportet  fuisse  in  optima  existimatione,  quum  tanquam  idoneos  testes  adversus  totam  ecclesiam  citare  ipsos  non  dubitaverit.  Tametsi  autem  non  prorsus  certum  est  sitne  loci  an  mulieris  nomen  Chloe,  mihi  tamen  magis  est  verisimile,  mulierem  fuisse.  Existimo  igitur  familiam  fuisse  bene  institutam,  quae  morbum  hunc  Paulo  indicaverit  ecclesiae  Corinthiacae,  quem  ab  eo  curari  optabat.  Quod  autem  post  Chrysostomum  sentiunt  plerique,  ideo  abstinuisse  nominibus,  ne  ipsos  gravaret  invidia,  mihi  absurdum  videtur.  Nam  non  quosdam  ex  familia  dicit  hoc  sibi  nuntiasse,  sed  potius  omnes  designat:  neque  vero  dubium  est  quin  se  nominari  libenter  sustinuerint.  Porro  ne  asperitate  nimia  exulceraret  eorum  animos,  mitigavit  amabili  alloquutione  reprehensionem,  non  qua  morbum  elevaret,  sed  qua  magis  dociles  redderet  ad  morbi  gravitatem  agnoscendam.  12.  Dico  autemy  ete.  Quidam  hic  [xijjngacv  esse  volunt,  quasi  eorum  verba  Paulus  referat.  Tametsi  autem  variant  codices  in  particula  oit,  ego  tamen  magis  coniunctionem  quam  articulum  relativum  esse  puto,  ut  simplex  sit  expositio  proximae  sententiae,  in  hunc  sensum:  ideo  contentiones  inter  vos  esse  dico,  quia  unusquisque  vestrum  in  hominis  nomine  gloriatur.  Sed  obiiciet  quispiam,  nondum  apparere  contentionem  in  his  vocibus:  respondeo,  ubi  dissidia  vigent  in  religione,  fieri  non  posse  quin  animi  paulo  post  ebulliant  ad  certamen.  Nam  sicut  ad  nos  copulandos  nihil  est  efficacius,  nihil  quod  magis  animos  consociet  ac  retineat  in  pace  quam  religionis  consensio,  ita  si  qua  in  hac  parte  discordia  exorta  fuerit,  necesse  est  ut  protinus  concitentur  animi  ad  pugnam.  Nec  ullis  aliis  in  rebus  atrociores  Bunt  concertationes.  Quare  merito  Paulus  tanquam  sufficientem  contentionum  probationem  adducit,  quod  sectis  et  factionibus  laborarent  Corinthii.  Ego  quidem  sum  Pauli,  ete.  Nominat  hic  fideles  Christi  servos,  Apollon  qui  eius  successor  fuerat  Corinthi,  Petrum  quoque  ipsum:  et  se  demum  illis  adiungit,  ne  tam  propriam  causam  agere  videatur,  quam  Christi.  Alioqui  non  est  verisimile,  ullas  fuisse  factiones  quae  sancti  consensus  ministris  studerent.  Sed  quemadmodum  postea  subiiciet,  quod  in  alios  competebat,  in  suam  et  Apollo  personam  transtulit:  idque  ideo  fecit,  ut  ab  hominum  respectu  aversi  rem  ipsam  melius  considerarent.  Sed  excipiet  quispiam,  eos  quoque  hic  recenseri  qui  se  Christi  esse  profiterentur.  An  vero  id  fuit  reprehendendum?  Respondeo,  ita  melius  exprimi,  quanta  indignitas  ex  illis  pravis  studiis  consequatur,  ubi  sumus  ho-