41:315  315-316  NOTICE  LITTERAIRE.  captifs  et  prisonniers,  entre  lesquels  estoient  Daniel,  Ananias,  Misael,  et  Azarias.  En  cette  tant  dure  et  miserable  servitude  et  captivite,  ces  ieunes  enfans  se  sont-ils  abastardis  de  leur  premiere  nourriture  et  institution?  Se  sont-ils  abandonnes  et  prostitues  a  la  puissance  et  grandeur  de  Nabuchodonosor  (combien  que  leur  vie  fust  en  sa  main,  comme  les  hommes  pouvoient  iuger)  pour  renoncer  a  leur  religion,  et  commettre  choses  indignes  de  la  saincte  semence  d'Abraham?  En  ce  qui  appartenoit  a  la  gloire  et  service  de  Dieu  ont-ils  aucunement  vacille,  dissimule  et  connive?  Nenni:  Bien  au  contraire,  combien  qu'en  tout  ce  qui  estoit  de  la  civilite  et  police,  ils  aient  obei  aux  Edicts  et  commandemens  de  Nabuchodonosor  comme  leur  Prince  et  Seigneur,  puis  qu'il  avoit  pleu  a  Dieu  les  livrer  entre  ses  mains,  et  se  soient  portes  sous  sa  domination  en  toute  crainte,  reverence  et  submission,  si  est-ce  que  quand  il  ha  falu  toucher  le  service  de  Dieu  et  sa  gloire,  ils  ont  despouilles  toute  crainte  et  respect  du  Roy,  et  n'ont  ni  par  menaces  ni  par  allechemens  en  rien  fleschi,  ne  se  sont  destournes  non  pas  la  largeur  d'un  doigt,  a  faire  chose  qui  fust  contre  leur  conscience  et  profession  de  sainctete  et  Piete:  voire,  ils  se  sont  portes  en  telle  temperance  et  sobriete  que  craignans  d'estre  corrompus  par  les  delices  de  la  court,  ils  n'ont  voulu  gouster  de  la  portion  des  viandes  que  le  Roy  leur  envoioit.  Et  toutesfois  quelle  esperance  pouvoient-ils  avoir  se  voians  en  la  puissance  d'un  si  grand  Roy,  Ioachim  leur  Roy  naturel  desconfit,  Ierusalem  destruite  et  ruinee,  le  temple  pille  et  saccage,  les  saincts  livres  brusles,  bref,  tout  le  service  de  Dieu  aboli  et  esteint  en  leur  pays?  Ils  ont  captive  leurs  sens  et  entendemens  charnels,  et  reconnoissans  que  cette  miserable  captivite  avenoit  pour  les  offences  et  demerites  de  tout  le  peuple  d'Israel,  ils  ont  eu  recours  au  seul  Dieu,  et  n'ont  point  perdu  courage,  mais  se  sont  appuies  et  arrestes  constamment  sur  ses  promesses.  En  quoi  ils  ne  se  sont  trouves  trompes  et  deceus,  ains  ont  eu  secours  et  assistence  de  Dieu  si  miraculeuse,  que  leurs  ennemis  mesmes  ont  este  contraincts  d'en  glorifier  le  Dieu  d'Israel.  Selon  la  prudence  de  la  chair  Sidrach,  Misach,  et  Abdenago,  pouvoient  sans  offencer  Dieu  obeir  a  TEdict  et  commandement  du  Roy,  il  n'estoit  question  que  de  s'encliner  et  prosterner  devant  une  image  d'or,  qui  est  une  chose  exterieure,  qui  ne  touche  en  rien  (ce  semble)  le  coeur,  l'affection  et  la  conscience.  Daniel  aussi  ne  pouvoit-il  pas  pour  trente  iours  se  contenir  de  prier  Dieu  en  sa  maison  selon  l'Edict  du  Roy,  et  principalement  les  fenestres  ouvertes  et  estant  a  genoux?  S'il  avoit  quelques  requestes  a  presenter  a  Dieu  ne  le  pouvoit-il  pas  faire  en  secret  et  cachete,  sans  ainsi  provoquer  le  courroux  et  ire  du  Roy,  contrevenant  d'une  gaiete  de  coeur  a  ses  ordonnances  et  Edicts?  Davantage  non  seulement  ils  provoquoient  l'indignation  du  Roy  sur  eux,  mais  aussi  sur  toute  la  pauvre  nation  Iudaique,  et  estoit  asses  pour  la  faire  destruire  et  exterminer  de  fond  en  cime,  comme  rebelle  et  desobeissante  au  Roy,  que  s'ils  eussent  voulu  un  peu  temporiser  et  s'accommoder  a  la  volonte  du  Roy,  comme  ils  avoient  desia  trouve  grace  et  faveur  envers  sa  maieste,  voire  obtenu  gouvernemens  et  grandes  charges,  et  estats,  ils  l'eussent  petit  a  petit  peu  gagner  et  convertir  a  leur  devotion,  et  par  ce  moien  obtenir  pleine  liberte  de  servir  et  adorer  leur  Dieu,  et  ne  se  polluer  a  aucunes  idolatries.  Or  ces  saincts  personnages  n'ont  point  voulu  suivre  une  telle  prudence  et  conseil  de  la  chair,  mais  remettans  l'evenement  de  toutes  choses  en  la  main  de  Dieu,  et  s'appuians  sur  sa  providence  eternelle,  et  bouchans  leurs  yeux  a  tout  ce  qui  se  presentoit  par  les  hommes,  ils  se  sont  conserves  impollus  tant  en  leurs  corps  qu'en  leurs  esprits,  ils  ont  voulu  servir  Dieu  non  seulement  interieurement,  mais  aussi  exterieurement,  et  ont  mieux  aime  abandonner  leur  propre  vie  que  de  donner  matiere  et  occasion  quelle  qu'elie  fust  par  leur  crainte,  couardise  et  laschete,  que  le  Dieu  d'Israel  fust  deshonore,  et  la  vraie  religion  mise  en  risee  et  opprobre  envers  les  infideles*  Voila  le  zele  bruslant  et  devorant,  dont  aussi  David  se  dit  avoir  este  ronge  iusqu'aux  os,  que  les  serviteurs  de  Dieu  ont  eu  de  tout  temps,  a  ce  que  sa  gloire  ne  fust  aucunement  exposee  a  mespris  ou  pollution:  voila  les  saincts  exemples  que  Dieu  ha  voulu  demourer  en  son  Eglise  pour  nostre  doctrine  et