25:315  315  REDITUS  AD  HISTORIAM.  316  erga  populum  amorem,  ut  animosius  ad  possidendam  terram  pergerent.  Haec  enim  confirmatio  non  vulgaris  fuit,  quum  viderent,  Deum  ultro  ad  ipsos  ulciscendos  occurrere.  Mosi  etiam  profuit,  sub  ipso  mortis  articulo,  novo  experimento  sentire  quam  Deus  curam  gerebat  de  salute  populi.  Hilariter  enim  populum  relinquere  in  custodia  Dei  potuit,  cuius  manum  illo  tam  recenti  beneficio  extentam  cernebat,  ad  complendos  omnes  gratiae  suae  numeros.  Quo  etiam  spectant  Dei  verba:  Aggregaberis  ad  populum  tuum:  quae  in  mortis  solatium  addita  fuisse  certum  est.  Caeterum  alia  festinandi  ratio  fuit:  quia  si  exspectata  fuisset  mors  sancti  prophetae,  forte  ausi  non  fuissent  Israelitae  armis  lacessere  gentem  quietam,  a  qua  nihil  periculi  vel  molestiae  imminebat.  Tanta  autem  apud  eos  vigebat  Mosis  autoritas,  ut  facilius  quam  alius  quispiam  eos  imperio  obsequentes  habuerit.  Quanquam  autem  promiscue  tam  reprobi  quam  fideles  dicuntur  morte  colligi,  vel  aggregari  ad  suos  populos,  loquutio  tamen  haec  ostendit  homines  ad  immortalitatem  natos  esse:  neque  enim  eadem  de  brutis  animalibus  dicere  quadraret,  quorum  mors  ultimus  est  interitus,  ubi  nulla  spes  sequitur  alterius  vitae.3  .  Loquutus  est  itaque  Moses.  Non  dubium  est  quin  pertulerit  Moses  quae  acceperat  a  Deo  mandata.  Etsi  ergo  nihil  aliud  exprimitur  quam  duodecim  millia  ad  bellum  egressa  fuisse,  res  tamen  ipsa  demonstrat,  numerum  fuisse  divinitus  praescriptum  una  cum  bellandi  ratione.  Et  certe  parum  considerate  Moses  magnum  populum  tam  exigua  manu  aggressus  esset:  atque  adeo  si  id  tentasset  suo  arbitrio,  poenam  temeritatis  merito  dedisset,  praeeunte  autem  Dei  mandato  negotium  probe  recteque  susceptum  feliciter  peregit.  Nec  vero  dubium  est  quin  hoc  examine  probare  voluerit  Deus  suorum  fidem.  Nam  secundum  humanum  sensum,  amentiae  erat  sine  causa  periclitari,  et  in  promptu  erat  exceptio,  minime  consentaneum  esse,  quum  praesto  essent  sexcenta  hominum  millia,  ad  paucos  restringere  partes  tam  difficilis  belli  gerendi.  Sicuti  ergo  postea  Deus  per  quadringentos  tantum  homines  duce  Gedeon  delevit  ingentem  exercitum  Madian,  ita  sub  manu  Mosis  singula  tantum  hominum  millia  ex  unaquaque  tribu  ad  perdendam  gentem  illam  armavit.  Sola  tribus  Zebulon  quinto  plus  militum  dare  poterat  quam  Deus  ex  toto  populo  accepit.  Hoc  igitur  documento  fidem  suam  probarunt  quando  unius  Dei  auxilio  freti,  non  dubitaverunt  contra  hostes  intrepide  ruere.  Et  eventus  ipse  melius  illustravit  gratiam  ipsam  quam  si  totis  viribus  pugnassent:  quia  tunc  creditum  fuisset  Madianitas  infinita  hominum  copia  obrutos  fuisse.  Sicuti  ergo  populus  suam  obedientiam  prompto  obsequio  testatus  est,  ita  re  ipsa  tandem  expertus  ebt,  nihil