1:315  INSTITUTIO  REL.  CHRIST.  1539  .  1554.  esse  duas  humanae  animae  partes,  quae  quidem  praesenti  instituto  conveniant:  intellectum  et  voluntatem.  Sit  autem  officium  intellectus  inter  obiecta  discernere,  prout  unumquodque  probandum  aut  improbandum  visum  fuerit;  voluntatis  autem  eligere  et  sequi  quod  bonum  intellectus  dictaverit;  aspernari  ac  fugere,  quod  ille  improbarit.  Nihil  hic  nos  remorentur  illae  Aristotelis  minutiae,  nullam  esse  menti  per  se  motionem,  sed  electionem  esse  quae  moveat,  quam  eandem  nuncupat  intellectum  appetitivum,  ne  superfluis  quaestionibus  intricemur;  satis  sit  nobis  intellectum  esse  quasi  animae  ducem  et  gubernatorem:  voluntatem  in  illius  nutum  semper  respicere  et  iudicium  in  suis  desideriis  exspectare.  Qua  ratione  vere  tradidit  1)  Aristoteles,  2)  simile  quiddam  esse  in  appetitu,  fugam  et  persequutionem,  quale  est  in  mente  affirmatio  aut  negatio.  Porro  quam  certa  sit  ad  dirigendam  voluntatem  intellectus  gubernatio,  mox  videbitur.  Hic  duntaxat  volumus,  nullam  reperiri  posse  in  anima  potentiam,  quae  non  rite  ad  alterutrum  istorum  membrorum  referatur.  Porro  hoc  modo  sensum  sub  intellectu  comprehendimus,  quem  alii  sic  distinguunt,  quod  sensum  ad  voluptatem  propendere  dicunt,  pro  qua  intellectus  bonum  sequatur.  Inde  fieri,  ut  appetitio  sensus  concupiscentia  fiat  et  libido;  affectio  intellectus,  voluntas.  Rursum  pro  appetitus  nomine,  quod  illi  malunt,  voluntatis  nomen,  quod  usitatius  est,  usurpamus.  20.  Nunc  consideremus  quid  pars  utraque  polleat.  Philosophi  sane  magno  consensu  rationem  in  mente  considere  fingunt,  quae  instar  lampadis  consiliis  omnibus  praeluceat  et  instar  reginae  voluntatem  moderetur.  Ita  enim  luce  divina  perfusam  esse,  ut  optime  consulere,  eo  vigore  praestare,  ut  optime  imperare  queat.  Sensum  contra  torpere  et  lippitudine  teneri,  ut  semper  humi  serpat,  et  in  crassioribus  obiectis  volutetur,  nec  unquam  se  attollat  ad  veram  perspicaciam.  Appetitum,  si  rationi  parere  sustineat,  nec  sensui  subigendum  se  permittat,  ad  studium  virtutum  ferri,  rectam  viam  tenere,  et  in  voluntatem  formari;  quod  si  in  servitutem  sensus  se  addicat,  ab  eo  corrumpi  et  depravari,  ut  in  libidinem  degeneret.  Atque  omnino  quum  ex  eorum  opinione  illae,  quas  supra  dixi,  3)  animae  facultates  concedantur,  intellectus,  sensus  et  4)  appetitus,  seu  voluntas  (quae  appellatio  iam  vulgatiore  usu  recepta  est)  intellectum  ratione  praeditum  asserunt,  optima  ad  bene  beateque  vivendum  moderatrice;  ipse  modo  se  in  sua  praestantia  sustineat,  ac  vim  sibi  naturaliter  inditam  exserat.  Inferiorem  autem  eius  motionem,  quae  sensus  dicitur,  qua  ad  errorem  et  hallucinationem  abstrahitur,  talem  esse,  ut  rationis  1)  add.  ipse  idem  1543  et  seqq.  2)  Lib.  Ethic.  6.  c.  2.  3)  opinione  duae  animae  1539.  4)  omitt  sensus  et  1539.