9:314  rationem,  quae  sua  caecitate  omnem  Dei  gloriam  exstinguit,  non  modo  statuis  ducem  et  magistram,  sed  scripturae  praeferre  audes.  Iam  nihil  mirum  si  quaslibet  religiones  promiscue  misceri  libenter  pateris,  ut  perinde  censeatur  Dei  cultor  Turca,  qui  Mahommeti  deliriis  imbutus  numen  nescio  quod  incognitum  adorat:  ac  Christianus,  qui  ex  non  dubia  evangelii  fide  invocat  patrem  redemptoris  nostri.  [pag.  llo]  Quanquam  te  non  serio  incredulis  patrocinari  palam  clamitant  tot  obliquae  sannae  quibus  apertissima  quaeque  capita  fidei  nostrae  carpis,  sed  omnium  gentium  superstitiones  excusando,  tibi  propositum  est  quidquid  religionis  sacra  veri  Dei  oracula  docent,  convellere.  Ab  illa  vero  ratione,  quae  errorum  omnium  mater  est,  tibi  exoritur  ille  Deus,  qui  sine  delectu  vult  omnes  salvos  fieri.  Quasi  vero  inane  sit  quod  toties  occurrit  in  scriptura  electionis  nomen,  quum  ubique  clament  lex,  prophetae  et  evangelium  vocari  et  illuminari  in  salutem,  qui  aeterno  Dei  consilio  ante  mundum  conditum  electi  sunt:  et  sine  ambiguitate  pronuncient  fontem  et  causam  vitae  esse  gratuitum  Dei  amorem,  quo  non  omnes,  sed  quos  voluit  complexus  est.  Quid  tu  centies  contra  obstrependo  proficies?  Obiecta  nebula  perstringis  simplicium  oculos,  Deum  velle  omnes  salvos  fieri.  Si  hoc  electioni  repugnat  qua  filios  [pag.  l  l  l  ]  suos  praedestinavit  ad  vitam,  quaero  ex  te,  cur  non  omnibus  patefecerit  viam  salutis.  Notum  ac  celebre  est  illud  legis  elogium  :  Ecce  proposui  hodie  vobis  vitam  et  mortem  (Deut.  30,  15).  Si  absque  discrimine  volebat  Deus  in  salutem  colligere  omnes,  cur  noa  omnibus  vitam  communiter  proposuit,  sed  hac  praerogativa  duntaxat  gentem  unam  dignatus  est?  Neque  id  alia  de  causa,  siMoisi  creditur,  nisi  quod  gratis  dilexit  quos  sibi  elegit  in  peculium.  Christum  divinitus  missum  fuisse  dicis,  cuius  iustitia  superabundaret,  ubicunque  abundaret  peccatum.  Atqui  haec  una  vox  ostendit  te  diaboli  instinctu  ex  inferis  prodiisse,  qui  pietatis  fuco  crassissimum  quodque  mendacium  tegens,  Christum  procaciter  rideres.  Nam  si  ubicunque  regnabat  peccatum  superabundavit  Christi  iustitia,  nihilo  deterior  erit  Pilati  vel  Iudae,  quam  Petri  vel  Pauli  conditio.  Atque  ut  de  Pilato  taceam,  Christi  iustitiam  Paulus  ab  evangelii  fide  separari  [pag.  112]  posse  negat.  Tu  quo  tempore  versatus  est  Christus  in  terris,  quodnam  in  Gallia  fuisse  evangelium  dices,  aliisque  longinquis  gentibus?  Quid?  an  non  Deus  ante  filii  sui  adventum  idem  erat?  Cur  ergo  suppressum  tenuit  salutis  thesaurum  usque  ad  tempus  plenitudinis?  Plenis  iam  buccis  rideas  necesse  est  quod  docet  Paulus,  in  evangelii  promulgatione  patefactum  fuisse  mysterium,  quod  prius  in  Deo  latebat  (Ephes.  3,  9).  Iam  publicata  evangelii  voce,  non  ad  alios  pervenit  Christi  iustitia,  nisi  qui  eam  fide  amplexi  sunt.  Unde  porro  tibi  fides?  Si  re-