51:314  faisans  bien  a  tous,  et  mesmes  a  ceux  qui  n'on  sont  pas  dignes:  ceux  mesmes  qui  ne  demandent  qu'a  nous  crever  les  yeux,  que  nous  procurions  leur  salut  entant  qu'en  nous  sera.  Au  reste,  il  veut  selon  qu'il  a  imprime  sa  marque  en  tous  fideles  et  qu'il  nous  les  recommande,  que  la  nous  ayons  une  fraternite  speciale  envers  eux:  car  les  graces  de  Dieu  doyvent  estre  prisees  par  tout  ou  on  les  voit  comme  il  est  dit  au  Pseaume  15,  qu'il  nous  faut  aimer  les  gens  qui  craignent  Dieu,  et  avoir  en  detestation  les  meschans.  Quand  donc  nous  verrons  les  signes  que  Dieu  a  mis  en  ses  fideles,  par  lesquels  il  s'approche  d'eux,  n'est-ce  pab  raison  qu'aussi  de  nostre  coste  nous  soyons  incitez  a  les  aimer?  En  somme  nous  voyons  que  S.  Paul  a  ici  compris  toute  la  reigle  de  bien  et  sainctement  vivre:  c'est  a  scavoir  qu'en  premier  lieu  il  nous  faut  estre  adonnez  du  tout  a  nostre  Dieu  pour  adherer  pleinement  a  luy:  et  puis  en  second  lieu,  converser  avec  nos  prochains  en  equite  et  droiture,  nous  abstenans  de  tout  malefico,  et  taschans  selon  nostre  mesure  et  faculte  de  bien  faire  a  tous.  Et  comment  serace?  C'est  en  ayant  cognu  nostre  Pere  celeste,  et  puis  cognoissant  les  biens  infinis  qui  nous  sont  faits,  et  desquels  iournellement  il  nous  veut  faire  participans,  que  toute  nostre  vie  depend  de  luy,  que  c'est  de  la  qu'il  nous  faut  attendre  salut  eternel,  en  l'invoquant  et  luy  rendant  action  de  graces  en  toute  nostre  vie.  Voila  donc  quant  au  premier.  Et  puis  quant  au  second,  il  est  impossible  que  nous  aimions  nos  prochains,  que  nous  ne  vivions  aussi  modestement,  sans  monstrer  nul  mauvais  exemple:  et  que  nous  advisions  de  nous  gouverner  en  telle  sorte,  que  nul  n'ait  occasion  de  se  plaindre  de  nous.  Oar  un  paillard  qui  ^aschera  de  ravir  la  femme  d'autruy,  ou  son  bien,  quelle  charite  aura-ii?  Et  puis,  d'autant  que  nostre  vie  doit  estre  conduite  en  toute  honnestete,  quand  on  se  desbauchera  en  yvrongneries,  en  blasphemes,  ou  en  choses  semblables,  il  ne  se  pourra  faire  que  quant  et  quant  on  ne  moleste  les  povres  gens,  qu'on  ne  ravi&se  leur  substance,  et  qu'on  ne  se  desborde  en  toutes  extorsions  et  exces.  Ainsi  donc,  quand  nous  aurons  charite  a  nos  prochains,  nous  vivrons  en  integrite  et  rondeur,  et  nostre  vie  sera  tellement  reiglee,  que  ce  ne  sera  point  pour  nous  amuser  a  nos  vaines  fantasies:  comme  nous  voyons  les  Papistes  qui  travailleront  beaucoup  en  leurs  ceremonies:  ils  appeleront  service  de  Dieu  de  barboter  beaucoup,  de  trotter  en  pelerinage,  de  faire  ceci  et  cela:  et  cependant  ils  s'esvanouissent  en  leurs  pensees,  et  le  tout  par  faute  d'avoir  cognu  a  quoy  Dieu  les  appelle.  A  fin  donc  que  nous  ne  prenions  point  une  peine  frustratoire,  regardons  ce  que  Dieu  approuve  et  tenonsnous  la:  car  nous  ne  pourrons  point  faillir  quand  nous  demeurerons  tousiours  au  chemin  tel  qu'il  le