49:314  tatem  scindant.  Sed  quia  simplici  hortatione  non  satis  forsan  permoti  fuissent,  obsecrationem  adhibet:  nam  eos  per  nomen  Christi  adiurat,  ut  quantum  ipsum  amant,  tantum  studeant  concordiae.  Ut  idem  loquamini  omnes.  Tribus  loquendi  formis  eos  ad  concordiam  hortatur.  Primo  enim  talem  inter  eos  consensum  requirit,  ut  una  sit  vox  omnium:  deinde  malum  tollit,  quo  unitas  scinditur  ac  dissipatur:  tertio  rationem  exprimit  verae  concordiae,  ut  scilicet  mentibus  et  voluntatibus  inter  se  conveniant.  Quod  secundo  loco  posuit,  ordine  primum  est:  ut  scilicet  caveamus  dissidia.  Nam  inde  alterum  manabit,  ut  concordes  simus:  tertium  vero  tandem1)  sequetur,  quod  hic  primum  nominatur,  ut  tanquam  uno  ore  loquamur  omnes:  quod  apprime  optabile  est,  ut  fructus  christianae  concordiae.  Notemus  ergo,  nihil  esse  magis  a  Christianis  alienum  quam  inter  se  dissidere.  Hoc  enim  praecipuum  est  religionis  nostrae  caput,  ut  inter  nos  simus  concordes  :  hoc  etiam  consensu  stat  et  subnixa  est  salus  ecclesiae.  Sed  videamus  quid  in  christiana  unitate  requirat.  Si  quis  subtilius  distingui  singula  cupiat,  vult  eos  cohaerere  primum  in  una  mente,  deinde  in  una  sententia,  tertio  vult,  eos  consensum  verbis  profiteri.  Quoniam  autem  ab  Erasmi  versione  nonnihil  mea  discrepat:  obiter  admoniti  sint  lectores,  Paulum  hic  uti  participio,  quod  res  apte  et  congruenter  inter  se  compactas  significat.  Nam  et  verbum  xaxapTICea&at,  unde  participium  illud  xaTY]pTca[ievoc  descendit,  proprie  aptari  et  coadunari  significat:  quemadmodum  membra  humani  corporis  optima  symmetria  inter  se  cohaerent.  Pro  sententia  Paulus  habet  yv&fxyjv:  sed  ego  hic  pro  voluntate  accipio,  ut  sit  integra  partitio  animae,  et  prius  quidem  membrum  ad  fidem,  alterum  ad  caritatem  referatur.  Tunc  ergo  constabit  inter  nos  unitas  christiana,  si  non  in  doctrina  tantum  bene  conveniat,  sed  concordes  etiam  simus  in  studiis  et  voluntatibus,  atque  ita  simus  per  omnia  unanimes.  Quemadmodum  primae  ecclesiae  fidelibus  testimonium  reddit  Lucas,  quod  haberent  cor  unum  et  animam  unam  (Act.  4,  32).  Et  sane  hoc  reperietur  ubicunque  regnabit  Christi  spiritus.  Quum  autem  unum  loqui  iubet,  ab  effectu  melius  etiamnum  exprimit  quam  absolutus  esse  consensus  debeat,  nempe  ut  ne  in  sermone  quidem  ulla  diversitas  appareat.  Difficile  quidem  factu,  inter  Christianos  tamen  necessarium,  a  quibus  non  una  tantum  fides  requiritur,  sed  una  etiam  confessio.  l  l  .  Significatum.  Quoniam  generales  exhortationes  minus  afficere  solent:  specialiter  ad  eos  pertinere  exponit  quod  dixerat.  Huc  ergo  spectat  accomodatio,  ut  agnoscant  Corinthii,  Paulum  non  frustra  *)  deinde  sequitur  ut  concordes  simus  in  sententiis  et  voluntatibus.  Quod  autem  Me  primum  nominatur  est  tanquam  fructus  christianae  concordiae,  dum  .  .  .  .  loquimur  omnes.  23