1:314  dum  audiunt  humanam  virtutem  funditus  everti,  ut  Dei  virtus  in  homine  aedificetur,  totam  hanc  disputationem  pessime  oderunt  quasi  periculosam,  nedum  supervacuam:  quam  tamen  et  in  religione  necessariam,  et  nobis  utilissimam  esse  apparet.  18.  In  facultatibus  hominum  inspiciendis,  quo  scilicet  melius  a  nobis  aestimentur,  incipiemus  ab  earum  partitione,  et  ea  quidem  simplicissima.  Non  enim  video  quid  opus  sit  illas  argutiores  philosophorum  distinctiones  recensere:  esse  primo  loco  quinque  sensus,  quos  tamen  Platoni  1)  organa  magis  vocari  placet,  quibus  in  sensum  communem,  ceu  in  receptaculum  quoddam  obiecta  omnia  instillentur;  sequi  phantasiam,  quae  a  sensu  communi  apprehensa  diiudicet;  postea  rationem,  penes  quam  universale  est  iudicium;  postremo  mentem,  quae  defixo  quietoque  intuitu  contempletur  quae  ratio  discurrendo  volutare  solet.  Item  menti,  rationi,  phantasiae,  tribus  animae  facultatibus  cognitivis,  tres  etiam  appetitivas  respondere:  voluntatem  cuius  partes  sint  quae  mens  et  ratio  proponunt  appetere;  vim  irascendi,  quae  a  ratione  et  phantasia  porrecta  arripiat;  vim  concupiscendi,  quae  a  phantasia  sensuque  obiecta  apprehendat.  Haec  ut  vera  sint,  aut  saltem  probabilia,  quoniam  tamen  vereor  ne  magis  nos  sua  obscuritate  involvant  quam  iuvent,  omittenda  censeo.2)  Si  cui  libet  alio  modo  animae  potentias  distribuere,  ut  altera  vocetur  appetitiva,  quae  tametsi  rationis  expers  rationi  tamen  obtemperat  si  aliunde  dirigatur;  altera  dicatur  intellectiva,  quae  sit  per  se  ipsam  rationis  particeps:  non  valde  reclamo.  Nec  istud  refellere  velim:  tria  esse  agendi  principia,  sensum,  intellectum,  appetitum.  3)  Sed  nos  divisionem  potius  eligamus  infra  omnium  captum  positam,  quae  certe  a  philosophis  peti  non  potest.  Nam  illi  dum  simplicissime  loqui  volunt,  animam  dividunt  in  appetitum  et  intellectum.  Sed  utrumque  faciunt  duplicem.  Hunc  interdum  contemplativum  esse  dicunt,  qui  sola  cognitione  contentus  nullum  actionis  motum  habeat  (quam  rem  ingenii  nomine  designari  putat  Cicero)  ;  4)  interdum  practicum,  qui  boni  malive  apprehensione  voluntatem  varie  moveat.  Sub  quo  genere  bene  iusteque  vivendi  scientia  continetur.  Illum  quoque  (appetitum  dico)  in  voluntatem  et  concupiscentiam  partiuntur,  ac  βούλησιν  quidem  esse  quoties  rationi  appetitus,  quem  ὁορμὴν  appellant,  obtemperat;  πάθος  autem  fieri,  ubi  excusso  rationis  iugo  ad  intemperiem  excurrit.  Ita  semper  in  homine  rationem  imaginantur  qua  se  recte  moderari  queat.  19.  Quamobrem  nos,  qui  rationem  quoque  depravatam  esse  asserimus,  cogimur  paulum  ab  eiusmodi  partitione  discedere.  Sic  ergo  habeamus  :  sub-  1)  In  Theaeteto.  2)  Arist.  lib.  1.  Ethic.  c.  ultimo.  Idem  lib.  6.  c.  2.  De  duplici  intellectu.  3)  Themist,  in  lib.  3.  de  anima  c.  49.  4)  Cicero  de  finib.  lib.  5,  13.