7:313  313  CALUMNIAS.  314  haud  dubie  est  qualibet  otiosa  speculatione.  Illic  enim  pius  animus  Deum  praesentissimum  conspicit  et  paene  attrectat,  ubi  se  vivificari,  illuminari,  salvari,  iustificari  ac  sanctificari  sentit.  Quare  iisdem  etiam  e  fontibus  ad  confirmandam  spiritus  sancti  divinitatem  probatio  petenda  est.  Longe  enim  a  creaturis  alienum  est  quod  illi  scripturae  tribuunt  et  nos  ipsi  certa  pietatis  experientia  discimus.  Ille  enim  est,  qui  ubique  diffusus  omnia  sustinet,  vegetat  et  vivificat,  qui  in  fidelibus  habitans  ducit  eos  in  omnem  veritatem,  regenerat,  sanctificat,  et  olim  ad  plenum  vivificabit.  Nec  vero  quum  de  ipso  scriptura  loquitur,  a  Dei  appellatione  abstinet.  Paulus  enim  nos  esse  templum  Dei  ex  eo  colligit,  quia  [pag.  42]  spiritus  eius  habitat  in  nobis.  Petrus  vero  Ananiam  reprehendens  quod  spiritui  sancto  mentitus  esset,  non  hominibus  mentitum  esse  dicebat,  sed  Deo.  Iam  quum  fixum  illud  maneat,  Deum  unum  esse,  non  plures;  verbum  et  spiritum  non  aliud  esse  quam  ipsam  Dei  essentiam  constituimus.  Et  sane  si  in  unius  Dei  fidem  ac  religionem  per  baptismum  initiamur,  eum  nos  profitemur  Deum  habere,  in  cuius  nomine  baptisamur.  Ex  quo  patrem,  filium  et  spiritum  in  una  Dei  essentia  contineri  plane  constat,  quandoquidem  in  nomine  patris,  filii  et  spiritus  sancti  baptisamur.  Rursum  et  quaedam  patris  a  verbo,  verbi  a  spiritu  distinctio  scripturis  demonstratur.  Perspicuum  enim  est  quod  dicitur,  patrem  per  filium  omnia  creasse,  eundem  in  hunc  mundum  misisse,  in  mortem  exposuisse,  a  mortuis  excitasse,  dedisse  illi  nomen  quod  est  super  omne  nomen.  Ut,  nisi  quis  Dei  verbo  repugnare  ex  professo  velit,  non  ausit  tergiversari.  Nam  nec  in  terram  descendit  pater,  nec  carnem  nostram  induit,  nec  mortem  subiit,  nec  excitatus  est.  Iam  et  se  a  spiritu  suo  differre  significabat  Christus,  quum  alium  consolatorem  se  missurum  pollicebatur.  Porro  simplicissimam  Dei  unitatem  adeo  non  impedit  ista  distinctio,  ut  filium  inde  probare  liceat,  unum  esse  cum  patre  Deum,  quia  uno  simul  cum  eo  spiritu  constet,  spiritum  autem  non  aliud  esse  a  patre  et  filio  diversum,  quia  patris  [pag.  43]  et  filii  sit  spiritus.  Summa  haec  sit:  Nos  in  illa,  quam  supra  confessi  sumus,  aeterna,  spirituali,  infinita  Dei  essentia  patrem  cum  verbo  et  spiritu  recognoscimus,  sic  tamen  ne  aut  patrem  cum  verbo,  aut  verbum  confundamus  cum  spiritu.  Arii  dementiam,  qui  aeterna  filium  divinitate  spoliabat,  simul  et  Macedonii  qui  per  spiritum  dona  gratiae  duntaxat  in  homines  effusa  intelligebat,  improbamus  et  exsecramur.  Nihilo  magis  Sabellii  errori  assentimur  qui  nullam  in  patre,  filio  et  spiritu  distinctionem  admittebat.  Quod  ad  Christum  peculiariter  attinet,  duabus  ipsum  naturis  constare  affirmamus.  Nam  antequam  carnem  indueret,  verbum  illud  aeternum  fuit,  ex