55:313  313  CAPUT  II.  314  lumen  verum  iam  lucet.  9.  Qui  dicit  se  in  luce  esse,  et  fratrem  suum  odit,  in  tenebris  est  adhuc.  10.  Qui  diligit  fratrem  suum,  in  luce  manet,  et  offendiculum  in  eo  non  est  ll.  Qui  vero  fratrem  suum  odit,  in  tenebris  est,  et  in  tenebris  ambulat,  nec  scit  quo  vadat:  quia  tenebrae  excaecarunt  oculos  eius.  Fratres,  non  mandatum  ete.  Explicatio  superioris  doctrinae,  quod  scilicet  amare  Deum  sit  servare  eius  mandata.  Non  temere  autem  pluribus  verbis  in  hoc  insistit.  Primum  scimus  ut  semper  odiosa  sit  vel  suspecta  novitas:  deinde  non  facile  insuetum  iugum  suscipimus:  ad  haec,  ubi  certum  aliquod  doctrinae  genus  sumus  amplexi,  quidquam  in  ea  mutari  vel  novari,  nobis  molestum  est.  His  de  causis  admonet  Iohannes,  nihil  se  docere  de  caritate,  nisi  quod  iam  ab  initio  auditum  fidelibus,  usu  ipso  inveteraverit.  Alii  vetustatem  secus  exponunt:  quod  scilicet  non  aliam  nunc  in  evangelio  vivendi  regulam  praescribat  Christus,  quam  Deus  olim  sub  lege.  Idque  verissimum  est.  Nec  repugno  quin  hoc  sensu  paulo  post  evangelii  sermonem  appellet  vetus  mandatum.  Verum  hoc  tantum  nunc  velle  arbitror,  Haec  prima  esse  evangelii  rudimenta,  sic  ipsos  a  principio  fuisse  institutos:  non  esse  cur  refugiant  quasi  insolitum,  quo  pridem  imbutos  esse  oportebat.  Nam  relativum  causae  loco  poni  apparet:  vetus  ergo  nominat,  non  quod  ante  multa  saecula  traditum  fuerit  patribus  :  sed  in  quo  edocti  fuerant  statim  a  primo  religionis  ingressu.  Id  autem  plurimum  ad  fidem  asserendam  valet:  quia  statuere  debent  lectores,  ab  eodem  Christo  profectum  esse,  a  quo  evangelium  habent.  Mandatum  vetus  est.  Vetustatis  nomen  hoc  loco  longius  extendi  probabile  est.  Plenior  enim  est  oratio,  quum  dicit,  sermo,  quem  audistis  ab  i  n  i  t  i  o  ,  est  vetus  mandatum.  Ac  (meo  quidem  iudicio)  significat  non  debere  accipi  evangelium  quasi  doctrinam  nuper  natam:  sed  quae  a  Deo  prodierit,  sitque  aeterna  eius  veritas.  Ac  si  diceret,  Non  debetis  evangelii  antiquitatem  metiri  temporis  spatio,  quo  vobis  allatum  est:  si  quidem  illic  patefecta  vobis  fuit  aeterna  Dei  voluntas.  Non  solum  ergo  hanc  pie  vivendi  regulam  vobis  tradidit  Deus,  quum  vocati  primum  estis  ad  Christi  fidem:  sed  eadem  semper  illi  fixa  probataque  fuit.  Et  sane  haec  demum  antiquitas  censeri  debet,  fidemque  et  reverentiam  meretur,  quae  originem  habet  a  Deo.  Nam  hominum  figmenta,  quantumvis  longa  annorum  praescriptione,  non  tantum  autoritatis  acquirent,  ut  obruant  Dei  veritatem.  8.  Rursum  mandatum  novum.  Non  videntur  mihi  interpretes,  apostoli  mentem  assequuti  esse.  Novum  enim  dicit,  quod  Deus  quotidie  suggerendo  veluti  renovat,  ut  se  in  eo  tota  vita  exerceant  fideles:  quia  nullum  sit  illis  praestantius  expeten-