52:313  313  CAPUT  V.  314  illuc  cursitandi  licentia:  praesertim  ubi  exoneratae  familia  nihil  habent  domi  quod  agant.  Adde  quod  istis  viduis,  honoris  praetextu,  quod  veluti  publicam  personam  gerebant,  facilior  quovis  aditus  patebat.  Hanc  opportunitatem  nactae,  beneficio  ecclesiae  abutebantur  ad  desidiam.  Deinde  (ut  fieri  solet)  ex  otio  nascebatur  c  u  r  i  o  s  i  t  a  s  ,  quae  ipsa  garrul  i  t  a  t  i  s  est  mater.  Verissimum  enim  est  illud  Horatii,  percontatorem  fugito:  nam  garrulus  idem  est1).  Omni  enim  fide  curiosos  (ut  inquit  Plutarchus)  carere  aequum  est,  qui  simulatque  aliquid  hauserunt,  nunquam  cessant  donec  effutiverint.  Praesertim  mulieribus  hoc  contingit,  quae  natura  iam  propensae  sunt  ad  loquacitatem,  nulliusque  arcani  capaces.  Ergo  non  abs  re  haec  tria  simul  coniuncta  sunt  a  Paulo,  otium,  curiositas  et  garrulitas.  14.  Volo  igitur  iuniores  nubere,  liberos  gignere,  domum  administrare,  nullam  occasionem  dare  adversario  ut  habeat  maledicendi  causam.  15.  Nonnullae  enim  iam  deflexerunt  post  Satanam,  16.  Quod  si  quis  fidelis,  aut  si  qua  fidelis  habet  viduas,  suppeditet  illis,  et  non  oneretur  ecclesia,  ut  iis,  quae  vere  viduae  sunt,  suppetat.  14.  Volo  iuniores  nubere.  Rident  nasuti  homines  hoc  apostoli  praeceptum.  Quasi  vero  (inquiunt)  calcar  addendum  sit  nimis  citatae  earum  cupiditati.  Quis  enim  nescit  omnes  fere  viduas  sponte  nupturire?  Superstitiosi  autem  homines  iudicarent  hanc  nuptialem  doctrinam  Christi  apostolo  parum  congruere.  Verum  omnibus  rite  expensis,  agnoscent  sani  homines,  Paulum  nihil  hic  nisi  necessarium  et  maxime  salutare  tradere.  Nam  et  viduitas  multis  liberius  proterviendi  dat  facultatem  :  et  ab  altera  parte  subinde  emergunt  spiritus  in  hypocrisi  mentientes,  qui  sanctimoniam  constituunt  in  coelibatu,  quasi  angelica  esset  perfectio:  matrimonium  vero  aut  damnant  in  totum,  aut  vilipendunt,  ac  si  carnis  inquinamentum  saperet.  Pauci  sunt  tam  ex  viris  quam  mulieribus  qui  vocationem  suam  respiciant:  quotusquisque  est  virorum  qui  onus  regendae  uxoris  libenter  suscipiat?  Quia  scilicet  res  est  innumeris  molestiis  implicita.  Quam  aegre  iugum  subit  mulier?  Paulus  ergo  quum  iuniores  nubere  iubet,  non  ad  nuptialem  laetitiam  eas  invitat:  nec  hortatur  ut  libidini  indulgeant,  quum  iubet  eas  liberos  gignere:  sed  dum  sexus  infirmitatem  et  aetatem  lubricam  reputat,  eas  ad  castum  coniugium  hortatur:  et  simul  ad  subeunda  sancti  coniugii  onera.  Atque  id  praesertim  facit  ne  contumeliosa  videatur  ipsarum  reiectio  ab  ordine  viduarum.  Significat  enim,  earum  vitam  non  minus  Deo  probatum  iri  si  oeco-  0  Horat  Epist.  lib.  I.  18,  69.