51:313  313  SUR  L'EPITRE  AUX  EPHESIENS.  314  cognu  la  bonte  de  nostre  Pere  celeste,  selon  qu'il  nous  Ta  monstree  en  la  personne  de  son  Fils  unique,  que  nous  ne  soyons  du  tout  ravis  en  son  amour.  Voila  Dieu  qui  nous  retire  de  l'abysme  de  confusion  et  de  la  mort,  et  nous  a  ouvert  la  porte  du  royaume  des  cieux,  et  nous  declare  qu'il  nous  veut  avoir  pour  ses  enfans.  Pourrons-nous  ouir  cela  et  ie  croire,  que  nous  ne  soyons  du  tout  adonnez  a  luy,  en  quittant  le  monde,  et  detestant  aussi  le  mal  qui  est  en  nous,  d'autant  qu'il  nous  separe  d'avec  luy?  Voila  donc  comme  la  foy  emporte  que  nous  soyons  pleinement  rengez  a  Dieu.  Et  puis  la  foy  n'est  pas  une  chose  oisive,  elle  emporte  que  nous  ayons  nostre  recours  a  Dieu,  et  quand  nous  serons  souillez  de  quelque  macule,  que  nous  le  prions  qu'il  y  mette  remede  :  car  il  n'y  a  nulle  necessite  qui  ne  soit  comme  un  coup  d'esperon  que  Dieu  nous  donne  pour  nous  faire  venir  a  luy.  La  foy  donc  emporte  les  prieres  et  oraisons.  Il  y  a  d'avantage,  qu'il  ne  se  peut  taire  que  noub  ne  sanctifions  le  nom  de  Dieu  pour  nous  reposer  en  luy,  et  luy  rendre  toute  la  gloire  qui  luy  appartient,  cognoissant  que  par  sa  liberalite  il  nous  donne  tout,  n'attendant  sinon  sacrifice  de  louange  de  nostre  coste.  Voila  donc  comme  la  foy  emporte  tout  ce  qui  est  contenu  en  la  premier  table  de  la  Loy.  Il  est  vray  que  c'est  une  partie  pour  le  tout:  mais  il  faut  regarder  que  ce  que  nous  avons  dit,  ne  se  peut  separer  l'un  d'avec  l'autre.  Or  maintenant  nous  avons  a  vivre  en  droiture  et  equite  avec  nos  prochains,  comme  il  est  dit  au  Pseaume  16,  que  nous  tenons  tout  de  Dieu,  et  que  nous  ne  luy  pouvons  rien  apporter.  Et  quand  nous  aurons  mis  peine  de  nous  eslargir  envers  luy,  que  rien  ne  luy  peut  faire  ni  chaud  ni  froid.  Que  demando-  il  donc?  que  nous  soyons  adonnez  a  bien  faire  a  ses  poures  fideles  :  comme  aussi  S.  Paul  expressement  nomme  les  Saincts  en  ce  passage.  Or  il  est  vray  que  nous  devons  exercer  charite  envers  tous  sans  exception:  car  nous  ne  pouvons  pas  estre  enfans  de  Dieu,  lequel  fait  luire  son  soleil  sur  ies  bons  et  sur  les  mauvais,  sinon  que  nous  aimions  nos  ennemis,  et  mettions  peine  de  leur  subvenir  et  aider:  il  faut  donc  tendre  la.  Mais  cependant  cela  n'empesche  point  que  nous  n'aimions  d'une  amour  fraternelle  tous  enfans  de  Dieu,  d'autant  qu'ils  sont  conioincts  avec  nous  d'un  lien  plus  estroit.  Voila  pourquoy  tant  au  passage  du  Pseaume  16,  que  i'ay  allegue,  qu'au  passage  de  S.  Paul,  il  est  dit  que  nous  devons  avoir  charite  envers  tous  fideles.  Et  mesmes  S.  Paul  en  un  autre  lieu  soult  bien  ceste  difficulte  qui  pourroit  estre  ici.  Oar  il  commande  que  nous  ayons  charite  envers  tous  en  general,  et  principalement  envers  les  domestiques  de  la  foy.  Dieu  donc  veut  que  nous  luy  ressemblions,  et  que  nous  ensuyvions  son  exemple,