50:313  313  SUR  L'EPITRE  AUX  GALATES.  314  ayez  moy  en  execration,  et  que  de  vostre  part  vous  demeuriez  tousiours  arrestez  en  ceste  verite  que  vous  avez  cognue,  et  que  ie  vous  soye  plustost  maudit  et  execrable,  voire  mesmes  les  Anges  de  paradis,  que  de  rien  changer  de  la  verite  du  Fils  de  Dieu,  et  de  vous  en  destourner.  Or  ici  nous  voyons  assez  que  sainct  Paul  a  cerche  autre  chose,  sinon  que  la  verite  de  Dieu  ait  telle  reverence  entre  les  hommes  qu'elle  merite,  et  qu'elle  soit  receue  tellement  que  tous  nos  sens,  toutes  nos  pensees,  tous  nos  appetis  et  affections  soyent  dontees  et  tenues  captives  sous  icelle:  et  qu'il  ne  soit  point  licite  a  creature  vivante  d'y  rien  changer,  mais  que  Dieu  seul  parle  par  la  bouche  de  son  Fils  unique:  que  nous  le  tenions  pour  nostre  maistre,  voire,  et  que  chacun  luy  obeisse  sans  contredit.  Voila  ce  que  sainct  Paul  a  cerche.  Mais  pour  ce  que  nous  ne  pouvons  pas  maintenant  deduire  le%