49:313  313  CAPUT  L  314  vero  unumquemque,  ex  quo  illuminatus  est  Dei  spiritu  in  Christi  cognitionem,  certo  inde  colligere  debere,  se  adoptatum  esse  a  Domino  in  haereditatem  aeternae  vitae.  Nam  efficax  vocatio  fidelibus  testimonium  divinae  adoptionis  esse  debet:  interea  tamen  cum  timore  et  sollicitudine  ambulandum  omnibus.  De  qua  re  aliquid  rursus  capite  decimo  attingam.  In  communionem.  Huius  loco  vertit  Erasmus  in  consortium:  vetus  interpres,  societatem.  Ego  autem  communionem  ponere  malui,  quia  vim  graecae  vocis  xotvcoviac  melius  exprimebat.  Nam  hic  finis  est  evangelii,  ut  Christus  noster  fiat,  ac  nos  in  eius  corpus  inseramur.  Ubi  autem  illum  nobis  possidendum  donat  pater,  se  quoque  ipsum  nobis  in  eo  communicat:  hinc  vero  manat  bonorum  omnium  participatio.  Hoc  est  ergo  Pauli  argumentum:  quum  evangelio,  quod  fide  recepistis,  adsciti  sitis  in  Christi  communionem:  non  est  cur  timeatis  vobis  a  mortis  periculo,  facti  eius  participes,  qui  victor  mortis  emersit.  Summa,  Christianus,  quum  se  intuetur,  nonnisi  trepidandi  materiam  habet,  vel  potius  desperandi:  sed  quia  vocatus  est  in  Christi  communionem,  non  aliter  de  se  cogitare  debet,  ubi  de  fiducia  salutis  agitur,  quam  de  membro  Christi:  ut  omnia  Christi  bona  sua  faciat.  Ita  indubiam  spem  finalis  (ut  loquuntur)  perseverantiae  concipiet,  si  eius  membrum  se  esse  reputet,  qui  est  extra  cadendi  periculum.  10.  Obsecro  autem  vos  fratres  per  nomen  Domini  nostri  Iesu  Christi,  ut  idem  loquamini  omnes,  et  non  sint  inter  vos  dissidia:  sed  apte  cohaereatis  in  una  mente  et  in  una  sententia,  ll.  Significatum  enim  mihi  de  votis  fuit,  fratres  mei,  ab  iis  qui  sunt  Chloes,  quod  contentiones  sint  inter  vos.  12.  Dico  autem  illud,  quod  unusquisque  vestrum  dicat,  ego  quidem  sum  Pauli,  ego  autem  Apollo,  ego  autem  Cephae,  ego  autem  Christi.  13.  Divisusne  est  Christus?  numquid  pro  vobis  crucifixus  est  Paulus?  aut  vos  in  nomen  Pauli  baptizati  estis?  10.  Obsecro  autem  vos  fratres.  Hactenus  molliter  tractavit  Corinthios,  quia  plus  nimis  delicatos  esse  noverat.  Nunc  postquam  eorum  animos  ad  correctionem  praeparavit,  bonum  peritumque  medicum  agens,  qui  demulcet  vulnus  quum  acre  medicamen  adhibendum  est,  severius  eos  tractare  incipit.  Quamquam  hic  quoque  multa  utitur  moderatione,  ut  adhuc  videbimus.  Summa  autem  est:  spero  equidem  Dominum  tot.  in  vos  dona  non  frustra  contulisse,  quin  vos  ad  salutem  perducere  velit:  sed  vos  quoque  debetis  dare  operam  ne  vestris  vitiis  tam  praestantes  gratiae  inquinentur.  Ergo  videte  ut  inter  vos  consentiatis:  ego  autem  consensum  inter  vos  non  frustra  requiro:  mihi  enim  nuntiatum  est,  vos  usque  ad  hostilem  modum  dissidere,  fervere  inter  vos  factiones  et  studia  quae  veram  fidei  uni-  Calvini  opera.  Vol.  XLIX.