41:313  313-314  NOTICE  LITTERAIRE.  sant  pour  convaincre  et  clorre  la  bouche  a  tous  ces  malheureux  Atheistes  et  contempteurs  de  la  parole  de  Dieu,  et  pour  appuier  et  asseurer  nostre  foy,  a  rencontre  de  toutes  les  ruzes  et  cautelles  de  Satan.  Cette  Prophetie  est  aussi  comme  un  tresbeau  mirouer  de  la  providence  eternelle  de  Dieu,  auquel  nous  pouvons  contempler  a  l'oeil,  l'estat  universel  du  monde,  la  mutation  et  changement  des  Roiaumes  et  Empires,  les  continuelles  afflictions  de  l'Eglise,  et  l'assistence  de  Dieu  envers  icelle.  En  premier  lieu,  combien  est  belle  et  plaisante  la  description  des  quatre  monarchies?  combien  est  excellente,  utile  et  necessaire  la  conference  du  regne  eternel  de  Iesus  Christ  avec  ces  roiaumes  et  dominations  terriennes?  Ici  est  descrit  comment  cet  Empire  si  grand,  si  excellent  et  florissant  des  Babiloniens  (lequel  en  la  vision  de  l'image  estoit  represente  a  Daniel  par  le  chef  d'Or  tresfin:  et  en  l'autre  vision  des  quatre  bestes  sortans  de  la  mer  par  un  lion  aiant  ailes  d'un  Aigle),  fust  transporte  es  Perses  et  Medes.  Le  plus  bel  Empire,  et  le  plus  noble  du  monde  fust  en  une  nuit  gagne  et  subiugue  par  Darius  Roy  des  Medes,  qui  estoit  une  nation  petite  et  obscure,  au  regard  et  comparaison  des  Babiloniens  et  Assyriens.  Balsasar  ce  grand  Roy,  si  fier  et  hautain  qu'il  ne  doutoit  de  faire  la  guerre  ouverte  au  Dieu  d'Israel,  qui  se  disoit  avoir  domination  et  Empire  sur  tous  les  hommes  de  la  terre,  fust  tue  et  meurtri  cruellement  avec  tous  ses  princes  et  courtisans.  Cette  brave  Babilonne  la  plus  puissante  et  superbe,  et  admirable  ville  du  monde,  qui  avoit  bien  domine  quinze  cens  ans  fust  prinse,  pillee,  saccagee  et  mise  a  l'abandon  des  soldats.  Et  d'ou  provient  tel  changement  et  mutation?  Daniel  en  rendist  la  raison  a  Balsasar  en  la  nuict  mesmes  qu'il  fust  tue,  a  scavoir,  pour  n'avoir  point  abatu  et  humilie  son  coeur  devant  Dieu,  et  n'avoir  point  profite  aux  chastiemens  que  Dieu  avoit  envoie  sur  sa  maison,  et  mesmes  sur  son  pere  Nabuchodonosor,  ains  au  lieu  d'en  glorifier  Dieu,  et  trembler  et  s'abatre,  se  seroit  Balsasar  enfle  en  son  coeur,  et  son  Esprit  se  seroit  endurci  en  orgueil,  et  comme  par  despit  auroit  prophane  et  souille  avec  ses  concubines,  les  vaisseaux  de  la  maison  de  Dieu,  et  idolatre  avec  ses  marmouzets  d'argent  et  d'or,  d'arain,  et  de  fer,  de  bois,  et  de  pierres.  Voila  d'ont  est  venue  la  ruine  et  destruction  non  seulement  de  Balsasar,  mais  de  tout  cet  Empire  si  grand  et  excellent.  En  ces  mutations  donc  si  horribles  et  espouvantables,  nous  avons  en  premier  lieu  a  considerer  que  c'est  Dieu,  qui  establist  et  conserve  les  roiaumes  et  empires,  les  transporte  de  nation  a  autre,  qui  chastie  et  afflige  le  peuple  pour  les  iniquites  et  offences  du  Roy,  qui  deiette  les  Rois  de  leur  throne  pour  la  corruption  et  desbordement  du  peuple,  qui  donne  coeur,  force,  et  victoire,  a  qui  luy  plaist,  et  oste  la  force  aux  forts,  et  vertu  au  peuple  d'eslite,  pour  ne  pouvoir  resister:  qui  est  un  poinct  ou  les  fideles  se  doivent  bien  resoudre  pour  estre  tousiours  fermes,  constans  et  asseures,  quelques  troubles,  changemens  et  revolutions  qui  viennent  au  monde:  car  a  faute  de  bien  considerer  et  mediter  ces  choses,  plusieurs  voians  tels  changemens  et  troubles,  sont  tellement  ravis,  esperdus  et  surpris,  qu'ils  n'en  peuvent  comprendre  la  cause,  et  par  tant  attribuans  toutes  ces  revolutions  a  fortune  et  hazard,  se  laissent  aussi  trainer  et  conduire  a  tout  ce  qui  se  presente,  estans  portes  et  agites  de  tous  vents  comme  la  plume  en  l'air.  Mais  les  fideles  sachans  que  toutes  ces  mutations  et  changemens  viennent  de  Dieu,  et  que  les  peches  et  iniquites  des  hommes  les  causent  et  provoquent,  et  que  toutesfois  Dieu  ha  prefix  et  constitue  certaine  fin  a  toutes  choses,  ils  attendent  patiemment  le  secours  et  assistence  de  Dieu,  s'asseurans  qu'il  ne  les  abandonnera  iamais:  cependant  ils  ne  se  laissent  ainsi  transporter  en  ces  mutations  ca  et  la,  mais  persistent  en  la  crainte  et  service  de  Dieu,  et  combien  que  l'estat  public,  et  toutes  choses  en  la  terre  changent  et  varient,  et  tournoient  dessus  dessous,  eux  seuls  demeurent  fermes,  constans  et  immuables.  De  ceci  nous  avons  de  beaux  et  excellens  exemples  en  cette  Prophetie,  lesquels  ne  doivent  iamais  sortir  de  devant  nos  yeux.  Apres  que  Nabuchodonosor  eust  pris  Ioachim  le  Roy  de  Iuda,  pille  et  saccage  Ierusalem,  et  le  sainct  temple  du  Seigneur,  il  emmena  avec  luy  plusieurs  enfans  d'Israel,  voire  Princes  et  de  la  semence  roialle