25:313  313  EEDITUS  AD  HISTORIAM.  314  Moses  ad  Deum:  idem  tamen  brevius  dicitur,  quod  Moses  responderit  populo  ex  ore  Dei,  unde  colligitur  Deum  consuluisse.  Porro  non  tantum  pronunciat  Deus  secundum  filios  Manasse,  sed  eorum  postulationem  approbat,  qui  sua  sorte  contenti  sibi  vendicant  quod  adimi  sine  coelestis  decreti  violatione  non  poterat.  Hac  occasione  lex  communis  statuitur,  ne  mulier  cui  obtigit  haereditas,  extra  suam  tribum  nubat,  quia  fraudaret  suos  gentiles  dotali  fundo.  Hoc  autem  modo  libera  nubendi  feminis  electio  data  fuit,  modo  haereditati  paternae  renunciarent.  Videntur  quidem  latius  patere  verba,  ne  quis  etiam  vir  nisi  ex  sua  cognatione  uxorem  accipiat:  verum  sensus  legis  ex  causa  ipsa  petendus  est.  Porro  dubium  non  est  nunc  promiscua  coniugia  vetari,  quatenus  iuris  haereditarii  ordinem  confundunt.  NUMER.  CAP.  XXXI.  1.  Et  loquutus  est  Iehova  ad  Mosen,  dicendo:  2.  Ulciscere  ultionem  filiorum  Israel  de  Madianitis,  postea  aggregaberis  ad  populos  tuos.  3.  Loquutus  est  itaque  Moses  ad  populum,  dicendo:  Accingant  se  ex  vobis  viri  ad  bellum,  et  sint  contra  Madian,  ut  dent  ultionem  Iehovae.  4.  Mille  de  singulis  tribubus,  de  omnibus  tribubus  Israel  mittetis  ad  bellum.  5.  Et  traditi  sunt  ex  millibus  Israel  mille  per  singulas  tribus,  duodecim  millia  accincti  ad  militiam  6.  Quos  misit  Moses,  mille  de  singulis  tribubus  ad  bellum:  misit,  inquam,  illos  et  Phinees  filium  Eleazar  sacerdotis  ad  bellum,  et  vasa  sancta,  et  tubae  clangoris  erant  in  manu  eius.  7.  Et  pugnaverunt  contra  Madian,  quemadmodum  praeceperat  Iehova  Mosi,  et  occiderunt  omnem  masculum.  8.  JReges  quoque  Madian  occiderunt  cum  occisis  eorum,  Evi,  et  Eecem,  et  Sur,  et  Hur,  et  Eeba,  quinque  reges  Madian:  et  Balaam  filium  Beor  occiderunt  gladio.  9.  Abduxerunt  autem  captivas  filii  Israel  uxores  Madianitarum,  et  parvulos  eorum,  atque  omnia  iumenta  eorum,  omniaque  pecora  eorum,  et  omnem  substantiam  eorum  praedati  sunt.  10.  Omnes  quoque  urbes  eorum  per  habitationes  eorum  et  omnes  aedes  combusserunt  igni.  ll.  Tuleruntque  omnia  spolia,  et  omnem  praedam,  tam  de  hominibus  quam  de  iumentis.  12.  Et  adduxerunt  ad  Mosen  et  Eleazar  sacerdotem,  et  ad  congregationem  filiorum  Israel,  captivitatem,  et  praedam,  et  spolia  ad  castra  ipsa  in  campestribus  Moab,  quae  sunt  iuxta  Iordanem  Iericho.  13.  Egressi  sunt  ergo  Moses  et  Eleazar  sacerdos,  et  omnes  principes  congregationis  in  occursum  eorum  extra  castra.  1.  Et  loquutus  est  Iehova.  Inter  alias  praerogativas  quibus  ecclesiam  suam  Deus  ornavit,  haec