1:313  CAP.  IT.  DE  COGNITIONE  HOMINIS.  A  21;  B  20;  C  20.]  usque  vis  eius  procedat?  Sed  quo  facilius  nobis  huius  quaestionis  veritas  eluceat,  scopum  obiter  praefigamus,  quo  tota  summa  destinanda  sit.  Patebit  autem  quis  debeat  spectari  scopus,  si  pericula  considerentur,  quae  utrinque  imminent.  1)  Nam  ubi  omni  rectitudine  abdicatur  homo,  statim  ex  eo  desidiae  occasionem  arripit;  et  quia  nihil  ad  iustitiae  studium  valere  per  se  dicitur,  illud  totum,  quasi  iam  nihil  ad  se  pertineat,  susque  deque  habet.  Rursum,  vel  minutulum  illi  quidpiam  arrogari  non  potest,  quin  et  Deo  praeripiatur  suus  honor  et  homo  2)  ipse  temeraria  confidentia  labefactetur.  Ad  hos  ergo  scopulos  ne  impingamus,  tenendus  hic  cursus  erit:  ut  homo,  nihil  boni  penes  se  reliquum  sibi  esse  edoctus,  et  miserrima  undique  necessitate  circumseptus,  doceatur  tamen  ad  bonum  quo  vacuus  est,  ad  libertatem  qua  privatus  est  aspirare,  et  acrius  ab  ignavia  excitetur,  quam  si  summa  virtute  fingeretur  instructus.  Hoc  secundum  quam  necessarium  sit,  nemo  non  videt.  De  priore  video  a  pluribus  dubitari  quam  conveniebat;  nam  hoc  extra  controversiam  posito,  nihil  homini  de  suo  adimendum  esse,  quantopere  intersit  ipsum  falsa  gloriatione  deiici,  palam  constare  debet.  Nam  si  ne  tum  quidem  hoc  homini  concessum  fuit,  ut  in  se  gloriaretur,  quum  Dei  beneficentia  summis  ornamentis  esset  insignitus,  quantum  nunc  humiliari  convenit,  ubi  ob  suam  ingratitudinem  ab  eximia  gloria  in  extremam  ignominiam  deturbatus  est?  Pro  eo  inquam  tempore,  quo  in  summum  honoris  fastigium  evectus  erat,  scriptura  nihil  aliud  ei  tribuit,  quam  quod  creatus  esset  ad  imaginem  Dei:  quo  scilicet  insinuat,  non  propriis  bonis  abundasse,  3)  sed  Dei  participatione  fuisse  beatum.  Quid  ergo  nunc  superest,  nisi  ut  Deum,  cuius  beneficentiae  gratus  esse  non  potuit  quum  divitiis  gratiae  eius  afflueret,  omni  gloria  nudus  ac  destitutus  agnoscat?  et,  quem  bonorum  suorum  recognitione  non  glorificavit,  nunc  saltem  propriae  paupertatis  confessione  glorificet?  17.  Nihilo  etiam  minus  e  re  nostra  est,  omnem  sapientiae  virtutisque  laudem  nobis  derogari,  quam  ad  Dei  gloriam  attinet.  Ut  cum  sacrilegio  ruinam  nostram  coniungant,  qui  aliquid  ultra  verum  nobis  largiuntur.  Quid  enim  aliud  fit,  quum  marte  nostro  docemur  contendere,  nisi  quod  baculo  arundineo  in  sublime  evehimur,  quo  mox  confracto  decidamus?  Quanquam  nimis  etiamnum  commendantur  vires  nostrae,  dum  baculo  arundineo  comparantur.  Fumus  enim  est,  quidquid  de  illis  vani  homines  commentantur.  Quare  non  abs  re  toties  ab  Augustino  praeclara  ista  sententia  repetitur:  praecipitari  magis  a  suis  defensoribus  liberum  arbitrium,  quam  stabiliri.  Haec  praefari  necesse  fuit,  propter  nonnullos  qui,  1)  Haec  duo  praecipitia  notat  Augustinus,  Ep.  47  (215)  et  in  Ioann,  tract.  ll.  2)  omitt  homo  1543  et  seqq.  3)  omitt.  abundasse  1550  et  seqq.