9:312  gratia  praestitit  (Rom.  8,  3).  In  lege  ostendi  perfectam  iustitiam  certum  est,  quae  parata  esset  atque  exposita  omnibus,  si  ad  praestandum  quod  Deus  iubet,  vires  nobis  suppeterent.  Atqui  Paulus  impossibile  fuisse  pronunciat,  [pag.  104]  iustitiam  ex  lege  consequi.  Quid  tibi  igitur  in  hac  re  negotii  est  cum  Calvino?  Si  necessario  furaris,  putas  te  non  minus  excusabilem  esse  dato  praecepto,  quam  antea  esses.  Paulus  contra,  ubi  fatetur  se  venundatum  sub  peccato  (Rom.  7,  14),  libere  tamen  simul  exclamat,  legem  iram  operari  (Rom.  4,  15),  quia  frustra  necessitatis  clypeus  obtenditur,  ubi  sua  quemque  conscientia  voluntariae  malitiae  convincit.  Quaero  ex  te,  dum  proximis  annis  tibi  harpago  in  manu  erat  ad  rapienda  ligna  quibus  domum  tuam  calefaceres,  an  non  te  propria  voluntas  ad  furandum  impulerit?  1)  Tibi  si  ad  iustam  damnationem  hoc  unum  sufficit,  quod  sciens  et  volens  turpe  et  sceleratum  lucrum  ex  damno  alieno  captas,  quidquid  de  nece&sitate  obstrepis  minime  te  absolvet.  Quod  etiam  obiicis,  neminem  nisi  propter  facinus  et  post  facinus  iuste  damnari,  de  priore  tibi  mecum  lis  non  est:  quando  [pag.  105]  ubique  doceo,  neminem  nisi  iusto  Dei  iudicio  perire.  Quanquam  dissimulare  non  licet  subesse  in  tuis  verbis  occultum  venenum:  quia  si  admittitur  similitudo  quam  proponis,  iniustus  erit  Deus,  qui  reatu  originalis  peccati  involvit  totum  genus  Abrahae.  Negas  Deo  licere  nisi  propter  facinus  damnare  quenquam  mortalium.  Tolluntur  e  vita  innumeri  adhuc  infantes.  Exsere  nunc  tuam  virulentiam  contra  Deum,  qui  innoxios  foetus  a  matrum  uberibus  avulsos  in  aeternam  mortem  praecipitat.  Hanc  blasphemiam,  ubi  palam  detecta  est,  quisquis  non  detestabitur,  mihi  pro  sua  libidine  maledicat.  Neque  enim  postulandum  est  ut  ab  eorum  conviciis  qui  Deo  non  parcunt,  immunis  sim  ac  liber.  In  secundo  membro  vide  quam  putida  sit  tua  loquacitas.  Nam  magistri  tui  Servetus,  Pighius,  et  similes  canes  dicerent  saltem,  ante  creatum  mundum  damnatos  esse  quos  Deus  interitu  [pag.  106]  praescivit  esse  dignos.  Tu  vero  ei  non  concedis  aeternae  morti  addicere,  nisi  qui  iam  perpetratis  maleficiis  apud  iudices  terrenos  obnoxii  essent  Hinc  colligant  lectores  quam  prodigiosus  sit  tuus  furor,  qui  per  lusum  et  iocum  omnem  divini  iuris  ordinem  evertere  non  dubitas.  Superest  ut  veri  et  aeterni  Dei  gloriam  a  sacrilegis  tuis  maledictis  vendicem.  Tu  me  diabolum  1)  Quod  est  furti  nomine  isthic  delatus  [Castalio],  iniuria  sane  iactum  est.  Quod  ipse  lgna  [eos  Bheno  ad  ripam]  attraxit,  communi  ch  ium  more  habitantium  ad  Rhenum  fecit,  neque  sibi  sed  iis  quibus  rapidum  flumen  haec  ademerat  operam  praestitit,  nisi  quod  pro  recuperata  lignorum  ulna  solet  certum  pretium  idque  leve  pendi.  Sulcerus  ad  Calvinum,  9.  Febr.  1562  (Cod.  Genev.  113,  fol  91).  Cf.  Castellionis  Defensionem  in  Opp.  Goudae  1613,  p.  349  sq.