51:312  mouvement,  et  qu'il  Tacquist  par  quelque  vertu,  il  ne  faudroit  pas  que  la  louange  en  fust  rendue  a  Dieu  :  car  ce  ne  seroit  que  mensonge  si  nous  faisions  recognoissance  a  Dieu  de  ce  que  nous  tenons  d'ailleurs  que  de  luy.  Et  ici  8.  Paul  benit  le  nom  de  Dieu,  de  ce  qu'il  a  illumine  les  Ephesiens  en  la  foy,  qu'il  a  forme  leurs  coeurs  a  ce  qu'ils  fussent  charitables.  Il  faut  donc  conclure  que  le  tout  procede  de  Dieu.  Or  les  Payens  en  amenant  leur  franc-arbi  tre,  ont  pense  ne  tenir  rien  de  Dieu  sinon  leur  bonne  fortune,  comme  ils  disent:  car  ils  cuident  avoir  tout  de  leur  vertu  et  industrie.  Les  Papistes  confesseront  bien  qu'il  faut  que  la  grace  de  Dieu  nous  aide  en  partie  :  mais  cependant  si  est-ce  que  tousiours  ils  veulent  que  l'homme  soit  exalte,  et  qu'il  parvienne  a  la  foy  de  son  propre  mouvement.  Ici  8.  Paul  exclud  toutes  ces  opinions  diaboliques,  et  monstre  (comme  par  ci  devant  desia  nous  l'avons  veu)  que  Dieu  merite  d'estre  glorifie  quand  il  y  a  quelque  Eglise  en  ce  monde,  qu'il  y  a  gens  qui  l'invoquent,  estans  fondez  et  appuyez  sur  la  foy  de  l'Evangile.  Et  pourquoy  ?  Il  faut  que  sa  main  ait  passe  par  la:  car  iamais  les  hommes  ne  tendront  a  bien,  sinon  qu'ils  y  soyent  conduits  et  gouvernez,  et  mesmes  que  le  8.  Esprit  les  y  attire  par  force.  Car  il  y  a  une  rebellion  si  grande  en  nous,  que  non  seulement  nous  sommes  debiles  et  faibles,  comme  les  Papistes  imaginent:  mais  nous  sommes  du  tout  contraires  a  Dieu,  iusques  a��  ce  qu'il  nous  ait  purgez.  Et  c'est  ce  qu'il  dit  par  son  Prophete  Ezechiel,  que  les  coeurs  qui  estoyent  auparavant  de  pierre,  seront  changez  en  coeurs  de  chair,  c'est  a  dire,  qu'il  les  amolira  et  flechira  a  son  obeissance.  Or  il  y  a  plus  outre,  que  sous  ces  deux  mots  de  foy  et  charite,  sainct  Paul  a  comprins  toute  la  perfection  des  Chrestiens.  Car  la  premiere  table  de  la  Loy  tend  la,  que  nous  adorions  un  seul  Dieu,  et  que  nous  tenions  tout  bien  de  luy,  que  nous  confessions  luy  estre  tellement  redevables,  qne  nous  ayons  aussi  a  luy  tout  nostre  refuge,  que  nous  taschions  a  luy  dedier  toute  nostre  vie.  Voila  donc  quelle  est  la  somme  de  la  premiere  table  de  la  Loy.  La  seconde  ne  contient  sinon  que  nous  vivions  en  equite  et  droiture,  que  nous  conversions  tellement  avec  nos  prochains,  que  nous  taschions  d'aider  a  tous  sans  nuire  a  personne.  Or  est-il  ainsi  que  Dieu  en  sa  Loy  a  monstre  une  reigle  de  bien  vivre,  et  une  telle  perfection  qu'on  n'y  peut  rien  adiouster.  Puis  qu'ainsi  est  donc,  non  sans  cause  S.  Paul  met  ici  la  foy  en  Iesus  Christ  et  la  charite,  comme  un  sommaire  de  toute  la  vie  Chrestienne,  monstrant  a  quoy  il  nous  faut  conformer,  et  quelle  est  nostre  reigle.  Or  cependant  nous  avons  aussi  a  noter  que  sous  ce  mot  de  Foy,  il  comprend  tout  le  service  de  Dieu.  Car  ii  est  impossible  qu'ayant