50:312  et  mesmes  quand  les  Anges  de  Paradis  s'en  viendroyent  mesler,  qu'on  les  tienne  pour  diables  plustost.  Or  ceci,  quoy  qu'il  en  soit,  estoit  bien  estrange:  Comment?  des  Anges  de  Paradis?  Et  puis,  de  quoy  est-ce  que  sainct  Paul  parle?  De  sa  predication:  il  ne  dit  pas  l'Evangile  de  Christ  simplement,  mais  l'Evangile  que  ie  vous  ay  presche.  Et  faut-il  que  cela  soit  superieur  a  tous  les  Anges  de  Paradis?  En  premier  lieu  nous  voyons  que  ce  n'est  rien  de  magnifier  en  general  et  en  confus  la  doctrine  de  l'Evangile:  mais  il  faut  aussi  quant  et  quant  que  nous  scachions  quelle  est  ceste  doctrine.  En  somme  il  y  en  aura  beaucoup  entre  nous  qui  se  mocqueront  assez  des  sottises  des  Papistes:  mais  si  on  leur  demande  les  rudimens  que  les  petis  enfans  doivent  assez  cognoistre,  ils  ne  scavent  que  c'est:  et  puis  que  l'un  dise  d'un,  l'autre  d'autre,  ce  leur  est  tout  un,  il  n'y  a  nulle  discretion,  ils  font  la  un  meslinge  comme  si  on  iettait  du  sel,  de  l'eau,  de  la  moustarde  et  du  vert-ius  tout  ensemble.  Yoila  donc  comme  ils  confesseront  assez  en  general  qu'il  faut  prescher  l'Evangile:  mais  cependant  ils  ne  scavent  que  c'est.  Or  S.  Paul  pour  corriger  un  tel  vice  dit,  Voire  l'Evangile  que  ie  vous  ay  presche.  Et  par  cela  (comme  i'ay  dit)  il  nous  monstre  que  nous  devons  scavoir  quelle  substance  est  contenue  en  la  doctrine  qui  nous  est  proposee  au  nom  de  Dieu,  a  fin  que  nostre  foy  y  soit  pleinement  arrestee,  a  fin  que  nous  n'ayons  point  une  legerete  pour  estre  agitez  a  tous  vents:  que  nous  n'allions  point  a  l'aventure  pour  changer  de  propos  cent  fois  le  iour,  mais  que  nous  persistions  iusques  en  la  fin.  Voila  en  somme  ce  que  nous  avons  a  retenir.  Or  cependant  ceci  nous  doit  rendre  la  doctrine  de  sainct  Paul  plus  authentique,  quand  il  parle  en  telle  hardiesse  pour  la  maintenir,  et  non  pas  d'une  temerite  et  presomption  humaine,  mais  au  nom  de  Dieu.  Car  de  faict  il  n'est  pas  question  ici  de  se  priser  en  sa  personne:  et  il  le  monstre  bien  en  disant,  Si  moy:  il  se  met  le  premier  comme  s'il  disoit,  Voire  moy  que  ie  soye  comme  un  diable,  si  ie  change  de  doctrine,  et  que  vous  me  trouviez  avoir  flechi  en  quelque  maniere  que  ce  soit.  Or  ici  sainct  Paul  monstre  qu'il  n'a  point  voulu  acquerir  reputation  en  sa  personne,  il  n'a  point  combatu  pour  sa  querelle,  pour  dire  qu'il  ait  este  subtil,  qu'il  ait  este  sage  et  excellent:  non,  mais  il  se  met  du  reng  des  fideles,  et  dit,  Embrassons  tous  la  doctrine  du  maistre  auquel  Dieu  nous  a  commis  en  charge,  et  en  la  conduite  duquel  nous  devons  estre  submis.  Car  combien  que  ie  vous  ay  enseigne  ceste  doctrine,  si-est-ce  qu'elle  n'est  point  mienne,  mais  elle  est  de  Dieu  qui  ne  varie  point:  et  si  vous  me  voyez  changer,  que  vous  ne  soyez  point  esbranlez,  ni  estonnez  pour  cela,  mais  tenez  moi  comme  un  diable,