49:312  eos  suo  certiores  reddere  pergat,  simul  ut  ipsos  hortetur  suo  exemplo  ad  eandem  spem  capessendam.  Ac  si  diceret:  Etiam  si  adhuc  futurae  salutis  exspectatione  estis  suspensi,  certos  tamen  esse  oportet,  quod  nunquam  vos  deseret  Dominus,  sed  potius  augebit  ea,  quae  in  vobis  inchoavit:  ut  quum  dies  ille  venerit  quo  sistemur  omnes  ad  Christi  tribunal,  illic  reperiamini  inculpati.  Inculpatos.  Hunc  esse  finem  vocationis  nostrae  docet  ad  Ephesios  et  Colossenses,  ut  appareamus  puri  et  irreprehensibiles  coram  Christo.  Sed  notandum  est,  non  perfici  in  nobis  primo  die  hanc  tantam  munditiem:  quin  potius  bene  agitur  nobiscum  si  quotidie  proficiamus  in  poenitentia,  si  purgemur  a  peccatis,  quae  Deo  nos  obnoxios  reddunt,  donec  cum  corpore  mortis  exuamus  omnes  peccati  sordes.  De  die  Domini  dicemus  capite  4  9.  Fidelis  Deus.  Quum  scriptura  Deum  fidelem  vocat,  saepe  hoc  nomine  significat  constantiam  et  perpetuum  tenorem  esse  in  Deo,  ut  quod  coepit,  in  finem  usque  prosequatur:  sicut  alibi  dicit  idem  Paulus,  Dei  vocationem  esse  absque  poenitentia  (Rom.  l  l  ,  29).  Itaque  (meo  iudicio)  huius  loci  sensus  est,  quod  Deus  stabilis  sit  in  suo  proposito.  Quum  ita  sit,  non  ergo  ludit  in  sua  vocatione,  sed  opus  suum  perpetuo  tuebitur.  Semper  ex  praeteritis  Dei  beneficiis  debemus  in  futurum  bene  sperare.  Sed  altius  respicit  Paulus  :  argumentatur  enim,  non  posse  abiici  Corinthios,  quia  semel  vocati  sint  a  Domino  in  Christi  communionem.  Ut  autem  sciamus  quid  valeat  hoc  argumentum,  primum  notemus,  suam  vocationem  unicuique  pro  electionis  testimonio  esse  debere.  Deinde  utcunque  alter  de  alterius  electione  non  ita  certo  iudicare  possit:  iudicio  tamen  caritatis  semper  statuendum  esse,  vocari  ad  salutem  quotquot  vocantur.  Intelligo  efficaciter  et  cum  fructu.  Paulus  autem  hunc  ad  eos  sermonem  dirigebat,  in  quibus  verbum  Domini  radices  egerat,  et  in  quibus  exstabat  aliquis  eius  fructus.  Si  quis  obiiciat,  multos,  qui  semel  verbum  receperunt,  postea  excidere:  respondeo,  solum  spiritum  unicuique  esse  fidum  ac  certum  testem  suae  electionis,  unde  perseverantia  dependet:  id  tamen  non  obstitisse  Paulo  quominus  iudicio  caritatis  persuasum  haberet,  firmam  et  inconcussam  fore  vocationem  Corinthiorum,  utpote  in  quibus  signa  videbat  paternae  Dei  benevolentiae.  Haec  porro  nequaquam  spectant  ad  gignendam  carnis  securitatem,  quam  ut  nobis  scriptura  excutiat,  saepe  nos  propriae  imbecillitatis  admonet:  sed  tantum  ad  stabiliendam  in  Domino  fiduciam.  Hoc  autem  operae  pretium  erat,  ne  deiicerent  animos  tot  delictorum  agnitione,  quae  postea  illis  ob  oculos  proponet.  Haec  summa  sit,  christiani  candoris  esse,  bene  sperare  de  omnibus  qui  rectam  salutis  viam  ingressi  adhuc  sunt  in  cursu:  utcunque  rursum  multis  adhuc  morbis  sint  circumdati:  nostrum