47:312  fuit,  ita  similis  Dei  filios  maneat  conditio.  Secundum  hos  sensus  esset:  Quod  unus  ex  meis  discipulis  nefarius  est  proditor  magistri,  non  incipit  nunc  primum  haec  perfidia  grassari  in  mundo:  quin  potius  hodie  usu  venit,  quod  scriptura  testatur  fuisse  iam  olim  factum.  Sed  quum  in  Davide  adumbratum  fuerit,  quod  plenius  in  Christo  postea  spectandum  erat,  prioribus  libenter  assentior,  qui  impletum  proprie  luisse  exponunt  quod  spiritu  prophetico  praedixerat  David  (Ps.  41,  10).  Videtur  praeterea  nonnullis  abrupta  esse  oratio,  in  qua  subaudiendum  sit  principale  verbum.  Verum  si  uno  contextu  legas:  Ut  impleatur  scriptura,  Qui  mecum  edit  panem,  elevat  contra  me  calcaneum,  nihil  deficiet.  Porro  tollere  calcaneum  metaphorice  significat  praetextu  amicitiae  aliquem  per  insidias  adoriri,  ut  opprimatur  incautus.  Iam  quod  passus  est  Christus,  qui  caput  nostrum  est  et  exemplar,  patienter  quoque  nobis  ferendum  est,  qui  sumus  eius  membra.  Et  certe  ordinarium  hoc  saeculis  fere  omnibus  in  ecclesia  fuit,  ut  nullos  haberet  hostes  magis  infensos  quam  domesticos.  Quare  ne  fideles  perturbet  talis  indignitas,  mature  se  ad  tolerandos  proditores  assuefaciant.  19.  lam  nunc  dico  vobis.  Hac  sententia  suos  admonet,  adeo  causam  non  esse  cur  labascant,  quum  ex  eorum  coetu  prodierit  unus  reprobus,  ut  eorum  fidem  melius  confirmari  deceat.  Nisi  enim  oculis  cerneremus  in  ecclesia,  quod  de  eius  aerumnis  et  certaminibus  praedictum  est,  merito  subiret  animos  nostros  dubitatio,  ubinam  vaticinia:  quum  autem  scripturae  veritas  cum  experientia  nostra  congruit,  tunc  melius  sentimus,  nos  curae  esse  Deo  eiusque  providentia  gubernari.  Caeterum  hac  loquutione,  credatis  quod  ego  sum,  significat  se  Messiam  illum  esse  qui  promissus  fuerat:  non  quod  Iudae  proditio  ad  fidem  adducere  coeperit  discipulos,  sed  quia  maiores  progressus  fides  ipsorum  fecit,  quum  ad  earum  rerum  experientiam  descenderent,  quas  audierant  prius  ex  ore  Christi.  Iam  vero  duplex  potest  esse  sensus,  ut  post  rei  eventum  credituros  dicat,  quia  eum  nihil  latuerit,  vel  nihil  eorum  defuerit  illi,  quae  de  Christo  testatur  scriptura.  Quoniam  autem  uterque  non  male  quadrat,  liberum  sit  per  mo  lectoribus  hunc  vel  illum  eligere.  20.  Amen,  amen  dico  vobis.  Vel  novus  hic  sermo  describitur,  et  quidem  abruptus  ac  mutilus,  vel  scandalo  Christus  occurrit,  quod  exoriturum  erat  ex  Iudae  scelere.  Nam  evangelistae  non  semper  contexunt  perpetuas  conciones  Christi,  sed  interdum  diversas  sententias  truncatim  congerunt:  quanquam  magis  probabile  est,  voluisse  Christum  offendiculo  mederi.  Plus  satis  apparet  quam  teneri  simus  ad  recipienda  ex  malis  exemplis  vulnera:  ita  fit  ut  unius  hominis  defectio  ducentis  aliis  letale  infligat  vulnus  ad  exstinguendam  eorum  fidem,  decem  aut