20:312  auspicia  sequantur.  Sed  de  his  omnibus  prospiciet  Dominus,  qui  saltem  hoc  nobis  tribuat  ut  bonum  semen  spargamus.  Ipse  vero  incrementum  dabit  prout  novit  et  ab  aeterno  decrevit  in  nominis  sui  gloriam.  Ego  intra  proximas  nundinas,  si  vita  suppetet,  et  Brentio  et  Andreae  et  Eber  o  respondebo,1S)  sed  quam  paucissimis  fieri  poterit,  quoniam  nihil  aliud  afferunt  quam  partim  indigna  quibus  respondeatur,  partim  etiam  millies  refutata.  Caetera  quum  plus  erit  otii.  Nunc  enim  opprimor  non  tantum  curis,  sed  etiam  moeroribus  quantos  nunquam  sustinui.  Roga  pro  me  Dominum,  mi  pater,  et  pro  nobis  omnibus,  ut  in  ipsum  respiciamus  ad  finem  usque.  Idem  peto  a  fratribus  et  collegis  tuis  omnibus,  quos  iubeo  in  Domino  plurimum  valere  et  salvere.  Nihil  aeque  me  confirmat,  quum  in  hunc  mundum  respicio,  atque  consensus  huius  ecclesiae  cum  bonis  omnibus:  ac  me  privatim  quoque  erigunt  in  terra  alioquin  prostratum,  coniunctio  cum  iis  inita  ac  sancita  quos  scio  fideles  esse  Dei  servos,  ac  proinde  in  suis  pro  me  precibus  exauditum  iri,  sicut  scio  me  millies  hac  ratione  et  a  morbis  lethalibus  et  a  periculis  omnis  generis  servatum.  Utinam  igitur  haec  vita  toties  mihi  veluti  restituta  Domino  meo  penitus  consecretur.  Bene  vale,  mi  pater.  Dominus  Iesus  te  servet  cum  fratribus  et  collegarum  coetu,  et  vestris  laboribus  benedicat.  Condonabit,  ut  spero,  mihi  D.  Gualfherus  quod  nunc  quidem  ad  eum  peculiariter  non  scribam,  sicut  factum  oportuit  quum  ab  eo  toties  amantissimis  literis  fuerim  provocatus.  Amo  illum  et  vos  omnes,  et  invito  Satana  ad  extremum  amplectar.  Iterum  vale.  Genevae  24.  Maii  1564.  Gregorii  librum  u  )  illum  blasphemum  nondum  vidi,  nec  si  vidissem  possem  intra  nundinas  respondere*  Tuus  Beza.  Accepi  Theses15)  et  Eberi  librum16)  quem  siatim  remittam.  Polonis,  de  quibus  ad  me  scripsisti,  commode,  ut  spero,  est  prospectum.  13)  Bezae  ad  Brentii  argumenta  et  Iac.  Andreae  theses  quibus  carnis  Christi  omnipraesentiam  nituntur  confirmare  responsio  Gen.  1565.  {Tract  theol.  L  507.)  14)  Quemnam?  A  Sandio  p.  44  recensetur:  Ep.  monitoria  ad  Tigurinos  ministros  et  Calvinum  ubi  etiam  confessionem  suam  de  Deo,  filio  Dei  et  Spiritu  sancto  edit  adv.  calumniatores.  Quae  tamen  iam  antea  edita  videtur.  15)  Andreae  CLXX  theses  de  maiestate  corporis  Christi.  {Planck  Y.  2,  p.  513.)  16)  Pia  et  in  verbo  Dei  fundata  assertio  declaratio  et  confessio  de  sacratissima  coena  D.  n.  Iesu  Christi  (etiam  germ.  v.  Sixt,  Eber  p.  132.  cf.  N.  4086).