1:312  [A  2  1  ;  B  19;  C  19.  Opus  Dei  perperam  in  sua  pollutione  contemplantur,  quod  in  illa  integra  adhuc  et  incorrupta  Adae  natura  requirere  debuerant.  A  carnis  ergo  nostrae  culpa,  non  a  Deo  nostra  perditio  est;  quando  non  alia  ratione  periimus,  nisi  quia  degeneravimus  a  prima  nostra  conditione.  Neque  hic  obstrepat  quispiam,  potuisse  Deum  nostrae  saluti  melius  prospicere,  si  Adae  lapsui  occurrisset.  Nam  obiectio  ista,  cum  ob  nimis  audacem  curiositatem  piis  mentibus  abominanda  est,  tum  ad  praedestinationis  arcanum  attinet,  quod  suo  loco  postea  tractabitur.  Quare  ruinam  nostram  naturae  depravationi  imputandam  meminerimus,  ne  in  Deum  ipsum  naturae  autorem  stringamus  accusationem.  Haerere  quidem  exitiale  illud  vulnus  in  natura  verum  est;  sed  multum  refert  accesseritne  aliunde,  an  ab  origine  insederit.  Constat  autem  per  peccatum  inflictum  fuisse:  non  est  igitur  cur  conqueramur,  nisi  de  nobis  ipsis.  Quod  diligenter  annotavit  scriptura;  dicit  enim  Ecclesiastes  (7,  29):  Hoc  scio,  quod  fecerit  Deus  hominem  rectum;  ipsi  autem  quaesierunt  sibi  adinventiones  multas.  Homini  tantum  suum  exitium  adscribendum  apparet;  quum  divina  benignitate  rectitudinem  adeptus  sua  ipse  dementia  in  vanitatem  delapsus  sit.  15.  Dicimus  ergo  naturali  1)  hominem  vitiositate  corruptum,  sed  quae  a  natura  non  fluxerit.  A  natura  fluxisse  negamus,  ut  significemus  adventitiam  magis  esse  qualitatem  quae  homini  acciderit,  quam  substantialem  proprietatem  quae  ab  initio  indita  fuerit.  Vocamus  tamen  naturalem,  ne  quis  ab  unoquoque  prava  consuetudine  comparari  putet;  quum  haereditario  iure  universos  comprehensos  teneat.  Neque  id  sine  autore  facimus:  eadem  enim  causa  nos  omnes  esse  natura  filios  irae  docet  apostolus  (Eph.  2,  3).  Quomodo  creaturae  omnium  nobilissimae  infensus  esset  Deus,  cui  placent  infima  quaeque  opera  sua?  Sed  operis  sui  corruptioni  magis  infensus  est  quam  operi  suo.  Ergo  si  ob  vitiatam  humanam  naturam  non  inscite  dicitur  homo  naturaliter  esse  Deo  abominabilis,  non  etiam  inepte  dicetur  naturaliter  pravus  et  vitiosus.  Quemadmodum  non  veretur  Augustinus,  ratione  corruptae  naturae,  naturalia  dicere  peccata,  quae  in  carne  nostra  necessario  regnant,  ubi  abest  Dei  gratia.  Ita  evanescit  stultum  Manichaeorum  nugamentum,  qui  quum  substantialem  in  homine  malitiam  imaginarentur,  alterum  illi  conditorem  affingebant,  ne  iusto  Deo  viderentur  mali  causam  et  principium  assignare.  16.  Postquam  visum  est  peccati  dominatum,  ex  quo  primum  hominem  sibi  obligatum  tenuit,  totum  genus  invasisse,  exponendum  restat,  ex  quo  in  hanc  servitutem  redacti  sumus,  an  omni  spoliati  simus  libertate?  et,  si  qua  particula  adhuc  viget,  quo-  1)  naturalem  1539.