9:311  311  KESPONSIO  ALTERA  312  (Ier.  48,  10).  Caedes  autem  intelligit  quas  a  scelere  non  absolves,  quando  ab  avaritia,  crudelitate  et  superbia  profectas  esse  liquet.  Chaldaeos  impellit  sua  ambitio  praedandique  cupiditas,  ut  aequitatis  obliti  per  rapinas  et  strages  immaniter  grassentur:  [pag.  101]  sed  quia  Deo  placebat  per  illorum  manus  Moabitas  punire,  non  obstitit  eorum  pravitas,  quominus  exsequuti  sint  Dei  iudicium.  Hic  tu  canis  oblatras,  impietatem  igitur  esse  bonum:  quasi  impietas  sit  opus  Dei,  qui  mirabiliter  scelera  hominum  in  diversum  quam  putent  finem,  accommodat.  Imo  libertinos  mihi  obiicere  non  dubitas,  cuius  sectae  deliria  ego  prae  aliis  detexi,  et  refutavi,  ut  mihi  iam  nova  defensio  quaerenda  non  sit.  XIII.  et  XIV.  Quid  tibi  in  penultimo  articulo  velis  non  magis  assequor  quam  si  magicis  susurris  sensus  hominum  obstupefacere  tibi  propositum  esset.  Quid  enim  est  fortuito  peccare?  et  quis  praeter  te  haec  monstra  fabricavit?  Dixi  alicubi,  quae  fortuito  contingere  videntur,  occulta  Dei  providentia  gubernari.  Quis  tibi  concedet  inde  colligere  peccatum  fortuitum?  Iam  quod  apud  me  legitur,  an  ex  me  natum  [pag.  102]  est,  ac  non  potius  Deum  habet  autorem?  Si  cui  ramos  arboris  caedenti  cadat  securis,  et  vulneret  caput  transeuntis,  hoc  tu  censebis  esse  fortuitum?  Atqui  spiritus  sanctus  per  Mosem  pronunciat  hominem  illum  a  Deo  occisum  esse.  An  dices  Deum  instar  ebrii  temere  huc  et  illuc  absque  sensu  ictus  suos  proiicere?  Quod  si  absque  Dei  sensu  peccare  homines  fingis,  quomodo  iudex  erit  mundi?  Et  si  eius  fugiunt  sensum  quae  in  mundo  geruntur,  qua  in  re  mortales  antecedet?  Quia  Deum  sentire  dico  si  quid  peccant  homines,  eo  furoris  proveheris,  ut  me  falsi  Dei  architectum  voces.  Si  tibi  quod  postulas  concessero,  eo  nesciente  peccare  :  qualis  obsecro  erit  Deus?  Et  adhuc  popularem  te  iactabis,  qui  Deum  sensu  privans,  et  eum  eodem  insigniens  titulo  quo  Lucretius  simulacra,  idolum  mortuum  ipsius  loco  fabricas?  Quod  arguis,  si  necessario  peccant  homines,  supervacuam  fore  doctrinam,  inutilia  praecepta,  [pag.  103J  irritas  admonitiones,  absurdas  obiurgationes  et  minas:  nisi  tibi  ad  haec  obiecta  diluenda  sufficit  Augustini  liber  ad  Valentinum  de  correptione  et  gratia,  huic  causae  tractandae  ex  professo  dicatus,  indignus  es  qui  verbum  ex  me  audias.  Quanquam  Pighium,  et  magistrum  tuum  Servetum  ita  depuli  hac  calumnia,  ut  dociles  et  candidi  lectores  nihil  amplius  ex  me  desiderent.  Tantum  hoc  nunc  iactantiis  tuis  breviter  respondeo:  Si  Deo  non  permittis  quidquam  praecipere  supra  hominum  facultates,  ubi  te  ad  suum  tribunal  sistet,  palam  facturum  quam  non  frustra  per  os  apostoli  sui  asseruerit,  impossibile  fuisse  legi  quod  ipse  sua