52:311  311  EPJST.  PAULI  AD  TIMOTHEUM  I  312  in  bono  opere  fuit  assidua.  Nam  hic  de  beneficentia  loquitur.  11.  Iuniores  viduas  reiice.  Non  iubet  excommunicari  ab  ecclesia,  aut  aliqua  ignominia  notari:  sed  tantum  in  illo  honore,  cuius  supra  meminit,  impertiendo  habendam  esse  earum  rationem  negat.  Quod  si  Dei  spiritus  per  os  Pauli  mulierem  nullam  sexagenaria  minorem  ordine  illo  dignam  esse  pronuntiat,  quod  in  illa  aetate  periculosus  sit  coelibatus  :  cuius  audaciae  fuit,  legem  perpetui  coelibatus  iuvenculis  in  summo  aetatis  fervore  postea  imponere?  Non  admittit,  inquam,  coelibatum  Paulus,  nisi  in  aetate  iam  effoeta,  et  quae  periculum  omne  incontinentiae  iam  evasit.  In  velandis  virginibus  ad  quadraginta  deinde  annos  ventum  est,  postea  ad  triginta.  Tandem  promiscue  sine  ulla  exceptione  aetatis  velare  omnes  coeperunt.  Obtendunt,  continentiam  virginibus,  quae  nunquam  virum  expertae  sunt,  multo  faciliorem  esse  quam  viduis.  Sed  non  efficient  quin  timendum  sit  periculum  quod  hic  Paulus  cavet,  ac  cavendum  praecipit.  Temere  itaque,  adeoque  crudeliter  laqueum  iniiciunt  teneris  adhuc  puellis,  quae  coniugio  futurae  erant  aptiores.  Quum  enim  lascivire.  Lascivire  eas  adversus  Christum  dicit,  quae  conditionis,  ad  quam  vocatae  sunt,  oblitae,  hilarius  quam  decet  exsultant.  Debuerant  enim  se  continere  sub  modestiae  iugo,  ut  gravibus  matronis  dignum  est.  Proinde  mollior  et  solutior  vita  quasi  lascivia  est  adversus  Christum,  cui  fidem  suam  obstrinxerant.  Quoniam  aliquot  eiusmodi  exempla  viderat  Paulus,  generali  remedio  occurrit:  nequa  recipiatur  quam  aetatis  ratio  unquam  sollicitare  possit  ad  nubendi  appetitum.  Quod  flagitiorum  monstra  quotidie  in  papatu  coactus  ille  monialium  coelibatus  parit?  Quae  claustra  non  restringit  libido?  Ergo  etiamsi  res  initio  placuisset:  tot  tamen  atque  tam  gravibus  experimentis  edocti,  aliquando  Pauli  consilio  obtemperare  debuerant.  Atqui  hoc  adeo  non  faciunt,  ut  in  dies  magis  ac  magis  iram  Dei  sua  obstinatione  provocent.  Nec  de  solis  monialibus  loquor:  ad  perpetuum  coelibatum  sacerdotes  quoque  et  monachos  cogunt.  Ebulliunt  interea  foedae  libidines,  ut  vix  decimus  quisque  caste  se  habeat.  In  monasteriis  autem  minimum  malorum  est  vulgaris  scortatio.  Si  Deum  per  os  Pauli  loquentem  audire  in  animum  inducerent,  mox  confugerent  ad  hoc  remedium  quod  praescribit.  Sed  tanta  est  superbia,  ut  furiose  persequantur  quicunque  huc  eos  revocant.  Aliqui  particulam  adversus  Christum  coniungunt  cum  verbo  nubendi.  Quod  tametsi  ad  Pauli  mentem  non  multum  refert:  prior  tamen  sensus  est  probabilior.  12.  Habentes  condemnationem.  Habere  damnationem  aliqui  exponunt  reprehensionem  mereri.  Ego  tamen  severius  dictum  accipio,  ut  aeternae  mortis