51:311  311  SERMON  VI  312  S.  Paul,  quand  nous  aurons  bien  pese  tous  les  mots  dont  il  use.  Or  il  dit  qu'il  rend  graces  a  Dieu  sans  fin  et  sans  cesse  de  la  foy  qu'il  a  ouye  en  l'Eglise  d'Ephese,  et  de  leur  charite  envers  les  Saincts:  et  cependant  il  continue  a  prier  Dieu,  a  ce  qu'il  les  illumine  de  plus  en  plus,  et  qu'il  les  amene  a  la  perfection  a  laquelle  tous  fideles  doyvent  tendre  et  aspirer,  iusques  a  ce  que  Dieu  les  ait  retirez  de  ce  monde.  Or  en  ce  qu'il  dit  qu'il  ne  cesse  de  rendre  graces  a  Dieu,  nous  voyons  par  son  exemple  a  quoy  ies  fideles  se  doyvent  employer,  Car  de  faict  aussi  le  principal  sacrifice  que  Dieu  demande  et  approuve,  c'est  que  nous  luy  facions  hommage  de  tous  ses  biens,  et  que  nous  luy  rendions  la  louange  qu'il  merite.  Et  il  n'est  pas  question  que  cela  se  face  comme  par  courvee  ou  peu  souvent:  mais  comme  de  son  coste  Dieu  ne  cesse  de  nous  eslargir  des  biens  infinis,  il  faut  aussi  que  chacun  de  nous  s'efforce  a  le  benir  et  le  louer.  Oar  S.  Paul  parle  ici  sans  feintise:  et  quand  il  a  benit  Dieu  pour  les  Ephesiens,  c'a  este  aussi  pour  toutes  les  Eglises.  Quelle  ingratitude  donc  sera-ce  quand  un  homme  ne  pensera  point  a  tous  les  biens  qu'il  a  receus  de  la  main  de  Dieu?  Nous  sommes  tenus  et  obligez  chacun  de  nous  de  louer  Dieu  pour  nos  prochains,  quand  nous  orrons  parler  a  cent  lieues  loin,  que  Dieu  a  fait  prosperer  son  Eglise,  qu'il  a  eu  pitie  des  siens  :  quand  (bref)  nous  orrons  dire  quelque  chose  qui  nous  doit  esiouir,  il  faut  que  nos  bouches  soyent  ouvertes  pour  louer  Dieu.  Or  si  nous  sommes  tenus  a  cela  pour  les  benefices  que  nous  ne  voyons  point,  mais  que  nos  prochains  sentent,  encores  qu'ils  soyent  eslongnez  de  nous  par  longue  distance  de  pays,  que  sera-ce  quand  Dieu  nous  remplira  nostre  bouche  (comme  il  est  dit  au  Pseaume)  et  que  cependant  nous  ne  penserons  point  a  le  remercier?  Or  nous  avons  aussi  a  noter,  quo  si  nous  sommes  tenus  de  louer  Dieu  pour  le  boire  et  pour  le  manger,  et  pour  tout  ce  qui  appartient  a  ceste  vie  caduque,  que  sans  comparaison  il  nous  oblige  a  soy  quand  il  nous  appelle  a  l'heritage  celeste,  qu'il  nous  benit  et  enrichit  des  graces  spirituelles  qui  sont  pour  nous  mener  plus  loin  que  ce  monde.  Quand  donc  Dieu  use  d'une  telle  liberalite  envers  nous,  quelle  excuse  y  aura-il,  sinon  que  nous  ensuivions  l'exemple  qui  nous  est  ici  monstre  de  S.  Paul?  C'est  qu'en  toute  nostre  vie  nous  ayons  cest  exercice  continuel  de  benir  le  nom  de  Dieu.  Or  cependant  il  monstre  que  la  foy  et  la  charite  sont  vrais  dons  de  Dieu,  et  non  pas  comme  les  hommes  tousiours  imaginent,  par  un  orgueil  diabolique,  que  cela  procede  de  nous.  Or  nous  avons  desia  dit  que  S.  Paul  n'a  point  este  hypocrite,  rendant  graces  a  Dieu  pour  la  foy  et  pour  la  charite  des  Ephesiens.  Si  chacun  se  pouvoit  donner  la  foy,  et  qu'il  l'eust  de  son  propre