50:311  311  SERMONS  312  qu'on  les  reiette,  qu'on  les  tienne  comme  maudits,  qu'on  les  excommunie,  et  qu'ils  soyent  comme  des  diables.  Or  ici  nous  voyons  comme  sainct  Paul  s'eschauffe  (par  maniere  de  dire)  pour  maintenir  la  constance  de  foy,  a  fin  que  nous  ne  soyons  nullement  esbranlez:  mais  ce  n'est  pas  sans  cause.  Car  nous  voyons  la  fragilite  qui  est  en  nous,  et  non  seulement  fragilite,  mais  vanite  et  rebellion,  qui  sont  encores  pires.  De  prime  face  si  on  nous  enseigne  en  la  parole  de  Dieu,  si  ce  n'est  que  nous  soyons  touchez  a  bon  escient,  nous  trouverons  cela  le  plus  estrange  du  monde:  car  la  doctrine  de  l'Evangile  sera  tonsiours  folie  a  l'esprit  humain,  comme  nous  avons  veu  par  ci-devant:  Et  la  raison?  C'est  a  cause  de  leur  vanite:  car  nous  avons  nos  sens  esgarez  et  vagabons,  et  de  nature  nous  sommes  du  tout  enclins  et  tendons  a  mensonge,  et  appetons  quasi  a  nostre  escient  d'estre  trompez.  D'autant  que  nous  avons  les  esprits  ainsi  corrompus,  il  ne  se  faut  point  esbahir  si  nous  n'appetons  pas  la  parole  de  Dieu,  et  qu'elle  n'ait  pas  entree  a  nous:  car  toute  nostre  industrie  n'est  que  rebellion:  nous  sommes  aveugles  en  ce  que  nous  pensons  avoir  de  raison:  brief  ce  n'est  point  sans  cause  que  l'Escriture  dit  que  ce  n'est  que  toute  vanite  et  mensonge  que  des  hommes,  et  mesmes  qu'ils  sont  rebelles  a  Dieu,  qu'ils  tirent  tousiours  au  rebours  de  la  ou  il  les  appelle.  Or  prenons  le  cas  qu'encores  que  Dieu  nous  ait  fait  ce  bien  de  nous  attirer  a  luy,  et  nous  faire  gouster  que  sa  verite  est  celle  a  laquelle  il  nous  faut  tenir,  et  que  nous  soyons  tellement  dontez  qu'il  n'y  ait  point  de  malice  en  nous,  que  nous  soyons  prests  de  luy  rendre  toute  subietion,  si  estce  qu'il  y  a  une  telle  fragilite  et  inconstance  en  nous,  qu'a  chaque  minute  le  diable  nous  aura  incontinent  desbauchez:  et  nous  en  voyons  l'experience  en  ceux  qui  estoyent  comme  miroirs  de  sainctete  qu'on  est  esbahi  qu'on  les  verra  incontinent  changez  et  eslongnez  du  bon  chemin.  Et  qui  est  cause  de  cela?  Comme  i'ay  dit,  encores  que  nous  soyons  en  bon  train,  si  est-ce  que  nous  ne  pourrons  longtemps  demeurer  en  nostre  estat,  qu'incontinent  nous  irons  tout  a  l'opposite,  si  ce  n'est  que  Dieu  besongne  en  nous,  et  qu'il  corrige  la  fragilite  qui  y  est.  Voila  pourquoy  sainct  Paul  maintient  avec  telle  maieste  la  doctrine  de  l'Evangile:  et  l'occasion  luy  en  estoit  donnee  par  les  Galatiens:  car  ils  estoyent  desbauchez  sous  ombre  qu'on  leur  mettoit  en  avant  qu'il  faloit  observer  les  ceremonies  de  la  Loy.  Sainct  Paul  donc  voyant  un  tel  exemple  et  image  de  l'infirmite  des  hommes,  et  de  leur  legerete  si  grande,  dit  qu'il  faut  que  la  foy  de  l'Evangile  surmonte  tout  ce  que  nous  pourrons  concevoir,  et  que  nous  ne  soyons  point  esbranlez  par  le  scavoir,  par  la  grande  subtilite,  par  l'eloquence  des  hommes,