49:311  311  EPIST.  PAULI  AD  CORINTHIOS  I  312  nobis,  tunc  demum  signamus  Deum  esse  veracem.  Etsi  autem  fateor1),  miracula  valere  ad  eius  confirmationem  debere,  altius  tamen  petendum  est  exordium:  nempe  quod  Dei  spiritus  arrha  et  sigillum  est  Ego  itaque2)  haec  verba  sic  expono,  Corinthios  abundare  scientia,  sicut  ab  initio  Deus  efficaciam  apud  eos  evangelio  suo  dederat,  neque  id  uno  tantum  modo  :  sed  tam  interna  spiritus  virtute,  quam  donorum  excellentia  et  varietate,  miraculis,  aliisque  adminiculis  omnibus.  Testimonium  Christi,  vel  de  Christo,  evangelium  vocat,  cuius  huc  spectat  tota  summa,  ut  Christum  nobis  patefaciat,  in  quo  absconditi  sunt  omnes  scientiae  thesauri.  Si  quis  active  accipere  malit,  quia  evangelii  primarius  autor  est  Christus,  ut  apostoli  nihil  aliud  sint  quam  secundarii  vel  subalterni  testes,  non  admodum  pugnabo:  mihi  tamen  prior  illa  expositio  magis  placet  Quamquam  paulo  post  capite  2,  1  sine  controversia  active  sumendum  est  testimonium  Dei:  quia  passivus  sensus  non  congrueret  Hic  autem  alia  ratio:  imo  locus  ille  meam  sententiam  confirmat,  quia  mox  subiicitur  quale  sit  illud,  nempe  nihil  scire  praeter  Christum.  7.  tit  nullo  in  dono  destituamini.  YaTepecatim,  est  eo  carere,  cuius  alioqui  indigeas.  Intelligit  ergo,  sic  abundare  omnibus  Dei  donis  Corinthios,  ut  nullius  inopia  laborent:  ac  si  diceret:  Non  evangelii  luce  tantum  dignatus  est  vos  Dominus:  sed  praeclare  instruxit  omnibus  gratiis,  quae  subsidio  sanctis  esse  possunt  ad  progressus  in  via  salutis  faciendos.  Charismata  enim  vocat  gratias  spirituales,  quae  sanctis  sunt  tanquam  salutis  instrumenta.  Sed  obiicitur  contra,  nunquam  sic  abundare  sanctos  quin  aliquam  gratiarum  penuriam  sentiant,  ut  cogantur  semper  esurire  et  sitire.  Quis  enim  non  procul  a  perfectione  abest?  Respondeo:  quoniam  sufficienter  praediti  sunt  necessariis  donis,  nec  unquam  deficiuntur  quin  Dominus  eorum  inopiae  in  tempore  succurrat:  ideo  Paulum  talem  illis  opulentiam  tribuere.  Et  ideo  addit:  exspectantes  revelationem,  quo  significat,  non  talem  se  affluentiam  illis  affingere,  in  qua  nihil  desideretur:  sed  tantum  quae  sufficiat  usque  dum  ad  perfectionem  perventum  fuerit.  Participium  vero  exspectantes  sic  resolvo:  interim  dum  exspectans.  Ita  sensus  erit  :  Adeo  ut  nullius  charismatis  sitis  inopes,  interim  dum  exspectans  diem  perfectae  revelationis,  qua  Christus,  sapientia  nostra,  ad  plenum  manifestabitur.  8.  Qui  etiam  confirmabit  vos.  Relativum  hoc,  non  ad  Christum,  sed  ad  Deum  pertinet:  utcunque  remotius  sit  Dei  nomen.  Pergit  enim  apostolus  in  sua  gratulatione:  ac  quemadmodum  supra  declaravit  quid  de  ipsis  sentiret:  ita  nunc  demonstrat  quid  spei  habeat  in  posterum:  simul  ut  de  affectu  erga  *)  certum  est  2)  autem.