47:311  311  IN  EVANGELIUM  IOANNIS  312  Dei  stabile  est,  ut  inchoatum  manu  sua  opus  absolvat?  Denique  hic  fons  est  discriminis  inter  filios  Dei  et  incredulos,  quod  priores  adoptionis  spiritu  trahuntur  ad  salutem,  alios  caro  sua  nullo  fraeno  cohibita  in  exitium  rapit.  Poterat  alioqui  dicere  Christus:  Scio  qualis  unusquisque  vestrum  futurus  sit:  sed  ne  quid  sibi  arrogent,  quin  potius  sola  gratia,  non  propria  virtute  a  Iuda  se  differre  agnoscant,  electionem  illis  gratuitam  statuit  in  qua  sint  fundati.  Quare  discamus  inde  pendere  omnes  salutis  nostrae  partes.  Quod  autem  alibi  Iudam  inter  electos  numerat,  diversus  est  loquendi  modus,  non  contrarius.  Nam  illic  notatur  temporalis  electio,  qua  Dens  ad  certum  aliquod  opus  nos  destinat,  sicuti  Saul,  qui  in  regem  electus  erat,  reprobus  tamen  fuit.  Nunc  autem  de  aeterna  electione  disserit  Christus,  qua  efficimur  filii  Dei,  et  qua  Deus  ante  mundum  conditum  nos  praedestinavit  ad  vitam.  iBt  reprobos  quidem  interdum  ornat  Deus  spiritus  donis,  ad  exsequendurn  quod  illis  iniungit  munus.  Sic  regiae  in  Saule  virtutes  ad  tempus  refulgent,  sic  et  Iudas  egregiis  dotibus  pollebat,  quales  apostolum  Christi  decebant:  sed  alia  longe  est  spiritus  sanctificatio,  qua  Dominus  nonnisi  filios  suos  dignatur.  Nam  eos  mente  et  corde  renovat,  ut  in  eius  conspectu  sancti  sint  et  irreprehensibiles.  Deinde  vivam  in  illis  radicem  habet,  quae  evelli  nunquam  potest,  quia  poenitentia  caret  Dei  adoptio.  Hoc  interea  fixum  manet,  divinae  esse  electionis  munus,  quod  Christi  doctrinam  fide  amplexi  vita  etiam  sequimur,  atque  hanc  unicam  esse  beatitudinis  nostrae  causam,  qua  discernimur  a  reprobis,  quod  illi  destituti  gratia  spiritus  male  pereunt:  nos  Christum  habemus  custodem,  qui  manu  sua  nos  regit  virtuteque  sua  tuetur.  Hic  praeterea  claram  divinitatis  suae  testimonium  Christus  reddit.  Primum,  quum  se  pronuntiat  non  iudicare  humano  more,  deinde,  quum  se  electionis  facit  autorem.  Nam  istud  scire,  de  quo  loquitur,  proprium  est  Dei:  sed  alterum  hoc  efficacius,  quum  a  se  testatur  fuisse  electos,  qui  ante  mundi  creationem  electi  sunt.  Nam  hoc  tam  insigne  divinae  eius  potentiae  specimen  magis  afficere  nos  debet  quam  si  centies  ipsum  scriptura  vocaret  Deum.  Ut  impleatur  scriptura.  Videri  absurdum  poterat,  qui  ad  ordinem  tam  honorificum  electus  fuerat,  non  simul  vera  pietate  fuisse  imbutum:  prompta  enim  erat  exceptio,  cur  non  elegisset  Christus,  quem  inter  apostolos  adsciscere  volebat?  imo  cur  apostolum  creasset,  quem  noverat  adeo  scelestum  fore?  Sic  ergo  fieri  oportuisse  admonet,  quia  praedictum  fuerat,  vel  saltem  nihil  novum  accidere,  quia  idem  expertus  fuerit  David.  Quidam  enim  vaticinium  citari  existimant,  quod  proprie  in  Christum  competat.  Aliis  videtur  esse  simplex  comparatio  :  quod  sicuti  David  ab  hoste  domestico  indigne  proditus