29:311  311  HOMILIA  VIL  312  ac  vindicis  dextra  fraenetur  et  in  orcum  detrudatur.  En  cur  saepe  apud  prophetas  occurrat  illa  phrasis,  omne  labium  coram  ipso  fraenandum,  ut  nimirum  Dei  vindicis  ac  rerum  omnium  instauratoris  maiestatem  describant,  ad  quam  vel  maxime  in  nomine  ipsius  blasphemando  audaces  obmutescere  penitus  oporteat,  ut  ne*coram  ipso  quidem  hiscere  audeant.  Quare  agite,  quum  ita  se  haec  habeant,  si  flagitiosos  et  improbos  homines  contigerit  adversus  Dei  tribunal  blasphemas  voces  arroganter  evomere,  patienter  praefinitum  a  Deo  iudicii  tempus  exspectemus,  iustas  ac  meritas  poenas  ab  illis  repetituro.  Nam  nominatim  hic  dicitur  fore  ut  in  tenebris  conticescant,  id  est  consiliorum  suorum  finem  nequaquam  assequantur,  sed  vanus  et  irritus  fiat.  Interea  quidem  in  aliqua  ipsos  autoritate  esse,  ac  suos  triumphos  edere  fateor,  sed  paulo  post  divina  manu  praecipitandos,  ut  patefacta  turpitudine  tota  illa  insolens  petulantia,  et  inanis  ac  superba  iactantia  coerceatur  atque  fraenetur.  Et  de  his  hactenus.  Sequitur,  viribus  suis  neminem  obtinere,  quibus  verbis  quanta  facilitate  Deus  sua  iudicia  exsequatur  adversus  impios  homines  docemur,  quorum  vires  ac  fortitudo  omnis  coram  Deo  ne  subsistere  quidem  possit  Verissima  enim  illa  prophetae  verba  sunt  longo  usu  comprobata,  deprimendam  altitudinem  hominum  et  omnem  carnem  esse  gramen,  et  similem  esse  flori  agri:  exarescere  gramen,  decidere  florem  quum  spiritus  Iehovae  perflat  ipsum.  Itaque  expendenda  haec  Annae  verba,  viribus  suis  neminem  obtinere,  eo  accuratius  quo  propensiores  sumus  ad  iniquam  hominum  aestimationem.  Nam  si  quem  in  autoritate  aliqua  esse  conspicimus,  atque  adeo  magnos  honores  assequutum,  idolum  nobis  fingimus,  ac  nescio  quid  im  motum  et  aeternum  imaginamur,  denique  nunquam  interiturum.  Verum  mens  nostra  cogitationibus  istiusmodi  praeoccupata  rectum  de  rebus  istis  iudicium  nobis  adimit,  atque  pacem  ullam  in  conscientiis  habere  non  sinit:  denique  tranquille  vitam  degere  Deo  uni  nos  subiicientes,  vitamque  nostram  illi  permittentes  non  patitur.  Nempe  ipsi  nos  in  has  turbas  coniicimus  stultis  iudiciis,  quum  tales  de  rebus  creatis  cogitationes  parvi  momenti  iudicamus.  Quamobrem  hanc  mentibus  nostris  doctrinam  altius  infigamus,  nempe  nullas  hominum  esse  in  hoc  mundo  vires,  nullum  imperium,  nullum  regnum  durabile,  atque  adeo  quae  maxima  florentissimaque  sunt  imperia,  vel  ad  aurae  levissimae  flatum,  volente  Deo,  momento  corruitura:  quo  tanquam  fraeno  improbis  petulanter  et  superbe  sese  offerentibus,  et  nihil  non  laxis  ad  quodvis  flagitium  habenis  audentibus,  retineamur,  scientes  Dei  vindicem  manum  ipsos  nequaquam  effugituros,  sed  et  honoribus  et  autoritate,  quam  a  Deo  acceperant,  abusos  suis  flagitiis  dignas