25:311  311  REDITUS  AD  HISTORIAM.  312  ventum  est  ad  alios  legitimos,  maribus  sua  praerogativa  constare  incipit.  Loquor  de  terra  Chanaan,  in  qua  non  tantum  nomen  Abrahae,  sed  quod  certior  ac  distinctior  esset  memoria,  duodecim  tribuum  servari  oportuit.  NUMER.  CAP.  XXXVI.  1.  Accesserunt  vero  principes  patrum  e  familia  filiorum  Gilad  filii  Machir,  filii  Manasse  de  familiis  filiorum  Ioseph,  et  loquuti  sunt  coram  Mose,  et  coram  principibus  capitibus  patrum  filiorum  Israel  :  2.  Ac  dixerunt:  Domino  meo  praecepit  Iehova  ut  daret  terram  in  possessionem  sorte  filiis  Israel,  etiam  domino  meo  praeceptum  est  a  Iehova  ut  daret  possessionem  Salphaad  fratris  nostri  filiabus  eius.  3.  Quae  si  alicui  de  filiis  aliarum  tribuum  filiorum  Israel  dentur  in  uxores,minuetur  haereditas  earum  ab  haereditate  patrum  nostrorum,  addeturque  haereditati  tribus  quibus  nupserint,  et  de  sorte  haereditatis  nostrae  minuetur.  4.  Quumque  fuerit  Iubilaeus  filiis  Israel  addetur  haereditas  earum  haereditati  tribus  quibus  nupserint:  atque  de  haereditate  tribus  patrum  nostrorum  detrahetur  haereditas  earum.  5.  Praecepit  itaque  Moses  filiis  Israel  iuxta  sermonem  Iehovae,  dicendo:  Rectum  tribus  filiorum  Ioseph  loquitur.  6.  Hoc  est  quod  praecepit  Iehova  de  filiabus  Salphaad,  dicendo:  Ut  placebit  illis  sint  in  uxores,  verumtamen  familiae  tribus  patris  sui  sint  in  uxores.  7.  Ne  transferatur  haereditas  filiorum  Israel  de  tribu  ad  tribum:  nam  filii  Israel  singuli  adhaerebunt  haereditatem  patrum  suorum.  8.  Et  omnis  filia  quae  possederit  haereditatem  de  tribubus  filiorum  Israel,  uni  de  familia  tribus  patris  sui  erit  in  uxorem,  ut  possideant  filii  Israel  singuli  haereditatem  patrum  suorum:  9.  Ne  transferatur  possessio  de  tribu  ad  tribum  aliam  :  sed  singuli  ex  tribubus  filiorum  Israel  haereditati  suae  adhaerebunt.  10.  Quemadmodum  praeceperat  Iehova  Mosi  sic  fecerunt  filiae  Salphaad,  l  l  .  Nam  Mahalah,  Thirsah,  et  Hoglah,  et  Milchah,  et  Noah  filiae  Salphaad  filiis  patruorum  suorum  fuerunt  in  uxores:  12.  His  qui  erant  de  familia  filiorum  Manasse  filii  Ioseph  fuerunt  in  uxores,  fuitque  haereditas  earum  tribui  familiae  patris  earum.  13.  Ista  sunt  praecepta  et  iudicia  quae  praecepit  Iehova  per  manum  Mosis  filiis  Israel  in  campestribus  Moab  iuxta  Iordanem  Iericho.  1.  Accesserunt  principes  patrum.  Mirum  videri  posset,  Deum  mutilam  dedisse  legem  de  successionibus,  ac  si  in  mentem  non  venisset  quod  nunc  recitabitur,  donec  a  principibus  familiarum  admonitus  fuit  Moses,  iniquum  esse  transferri  haereditates  :  quod  tamen  futurum  erat  si  in  alias  tribus  abnuberent