1:311  INSTITUTIO  REL.  CHRIST.  1539  .  1554.  gunt  opera,  qualia  sunt  adulteria,  scortationes,  furta,  odia,  caedes,  comessationes,  fructus  peccati  secundum  hanc  rationem  vocat;  quanquam  et  peccata  cum  in  scripturis  passim  tum  etiam  ab  ipso  nuncupantur.  12.  Haec  itaque  duo  distincte  observanda.  Nempe  quod,  sic  omnibus  naturae  nostrae  partibus  vitiati  perversique,  iam  ob  talem  duntaxat  corruptionem  damnati  merito  convictique  coram  Deo  tenemur,  cui  nihil  est  acceptum,  nisi  iustitia,  innocentia,  puritas.  Neque  ista  est  alieni  delicti  obligatio.  Quod  enim  dicitur,  nos  per  Adae  peccatum  obnoxios  esse  factos  Dei  iudicio,  non  ita  est  accipiendum,  ac  si  insontes  ipsi  et  immerentes  culpam  delicti  eius  sustineremus;  sed,  quia  per  eius  transgressionem  confusione  induti  sumus  omnes,  dicitur  ille  nos  obstrinxisse.  Ab  illo  tamen  non  sola  in  nos  poena  grassata  est,  sed  instillata  ab  ipso  lues  in  nobis  residet,  cui  iure  poena  debetur.  Quare  Augustinus,  1)  utcunque  alienum  peccatum  saepe  vocet,  quo  clarius  ostendat  propagine  in  nos  derivari,  simul  tamen  et  proprium  unicuique  asserit.  Et  apostolus  ipse  disertissime  testatur  (Rom.  5,  12),  ideo  mortem  in  omnes  pervagatam,  quod  omnes  peccarint,  id  est,  involuti  sint  originali  peccato,  et  eius  maculis  inquinati.  Atque  ideo  infantes  quoque  ipsi,  dum  suam  secum  damnationem  a  matris  utero  afferunt,  non  alieno,  sed  suo  ipsorum  vitio  sunt  obstricti.  Nam  tametsi  suae  iniquitatis  fructus  nondum  protulerint,  habent  tamen  in  se  inclusum  semen:  imo  tota  eorum  natura  quoddam  est  peccati  semen:  ideo  non  odiosa  et  abominabilis  Deo  esse  non  potest.  13.  Alterum,  quod  haec  perversitas  nunquam  in  nobis  cessat,  sed  novos  assidue  fructus  parit:  ea  scilicet,  quae  ante  descripsimus,  opera  carnis;  non  secus  atque  incensa  fornax  flammam  et  scintillas  efflat,  aut  scaturigo  aquam  sine  fine  egerit.  Quare  qui  peccatum  originale  definierunt  carentiam  iustitiae  originalis,  quanquam  id  totum  complectuntur  quod  in  re  est,  non  tamen  satis  significanter  vim  atque  energiam  ipsius  expresserunt.  Non  enim  natura  nostra  boni  tantum  inops  et  vacua  est,  sed  malorum  omnium  adeo  fertilis  et  ferax,  ut  otiosa  esse  non  possit.  Qui  dixerunt  esse  concupiscentiam,  non  nimis  alieno  verbo  usi  sunt,  si  modo  adderetur,  quod  minime  conceditur  a  plerisque,  quidquid  in  homine  est,  ab  intellectu  ad  voluntatem,  ab  anima  ad  carnem  usque,  hac  concupiscentia  inquinatum  refertumque  esse.  Aut  ut  brevius  absolvatur,  totum  hominem  non  aliud  ex  se  ipso  esse  quam  concupiscentiam.  14.  Eant  nunc  qui  Deum  suis  vitiis  inscribere  audent,  quod  dicantur  naturaliter  vitiosi  homines.  2)  1)  Alibi  saepe,  tum  vero  libro  tertio  de  peccatorum  meritis  et  remiss.,  c.  8.  2)  quia  dicimus  .  .  .  .  vitiosos  esse  homines  1550  et  seqq.