9:310  ipse  creavit.  Quis  enim  unquam  dixit,  creatam  esse  a  Deo  iniquitatem,  quamvis  incomprehensibili  eius  consilio  ad  iustos  rectosque  fines  ordinetur?  Apage  ergo  cum  tua  ista  insulsitate,  [pag  98]  qua  barbam,  quae  naturaliter  dormientibus  provenit,  cum  voluntariis  sceleribus  permisces.  Nobis,  quamvis  insanias,  fixum  hoc  manebit,  quorum  pravos  affectus  ad  exsequenda  sua  iudicia  destinat  et  regit  Deus,  eosdem  iure  punire,  quia  reos  sua  ipsorum  conscientia  peragit.  Ac  vide  quomodo  te  implices:  ubi  enim  confessus  es  ignota  nobis  esse  Dei  arcana,  contra  excipis  iustitiam  nobis  esse  cognitam.  Verum  si  quis,  an  aliqua  sit  in  Dei  arcanis  iustitia  necne,  ex  te  quaerat,  an  negabis?  Iustitiam  porro  illam  quomodo  notam  esse  dices,  quam  David  et  Paulus,  quia  sensus  eorum  fugit,  cum  admiratione  suspiciunt?  Abyssus  multa,  et  dives  altitudo  sapientiae  in  Dei  iudiciis  an  non  iustitiam  in  se  continent?  Our  ergo  iustum  esse  Deum  negabis,  quoties  te  latebit  operum  eius  ratio?  Sicuti  in  libro  Iob  (28,  27  sq.)  distinctio  notatu  digna  statuitur  inter  sapientiam  Dei  impervestigabilem,  a  qua  arcetur  humanum  genus,  et  eam  quae  in  lege  nobis  [pag.  99]  tradita  est,  sic  te  quoque,  nisi  omnia  confunderes,  potius  distinguere  oportuerat  inter  profundam  illam  iustitiam  et  admirabilem  quae  humanis  mentibus  non  capitur,  et  iustitiae  regulam  quae  regendae  hominum  vitae  in  lege  praescripta  est.  Secundum  apertam  illam  evangelii  doctrinam,  fateor,  iudicabit  Deus  mundum,  sed  arcanae  suae  providentiae  aequitatem  simul  contra  omnes  rabulas  asseret.  Tu  vero  si  vel  tantillum  in  evangelio,  de  quo  garris,  exercitatus  esses,  facile  intelligeres  quomodo  remuneretur  Deus  quam  lege  sua  commendat  iustitiam,  neque  promissa  corona  fraudet,  qui  ex  animo  eius  praeceptis  obsequuntur,  et  tamen  iuste  puniat  omnes  immorigeros,  quos  tamen  servos  suos  appellat,  quia  eorum  corda  in  manu  habet.  Sicuti  Nabuchadnezer  furiosus  latro  et  mancipium  Satanae  fuit,  et  non  temere  apud  Ieremiam  (25,  9)  servus  Dei  nominatur.  Quod  si  docui,  ut  Deus  viam  patefaciat  iudiciis  [pag.  100]  suis,  incitare  huc  vel  illuc  hominum  corda,  quando  ita  ad  verbum  loquuti  sunt  prophetae,  cur  recitatio  in  crimen  trahetur?  Nempe  haec  sunt  sacrae  historiae  verba:  Adiecit  furor  Domini  irasci  contra  Israel,  et  incitavit  Davidem  contra  ipsos,  ut  diceret:  Vade,  numera  populum  (2  Sam.  24,  i).  XII.  Rursus  me  nunquam  ita  loquutum  esse,  coram  Deo,  angelis  totoque  mundo  attestor,  et  quod  a  me  recte  dictum  erat,  improbissima  calumnia  abs  te  perverti.  Impios  autem  Dei  opus  facere  si  tibi  absurdum  videtur,  Ieremiam  obiurga,  cuius  verba  haec  sunt:  Maledictus  qui  facit  opus  Dei  negligenter  20*