7:310  sibi  curae  ut  mature  convocetur.  Atqui  hunc  nebulonem  nihil  pudet  scribere,  Farellistas  impedire  conatos,  quominus  synodus  haberetur.  Sed  unde  probationem  sumemus,  e  qua  statuere  liceat,  uter  verum  an  falsum  dicat?  Ego  nullum  hic  esse  verbum  profiteor  quod  non  publica  autoritate  confirmem,  quoties  opus  erit.  Legantur  acta  consistorii  Bernensis;  consentient  prorsus  cum  mea  narratione.  Legantur  acta  curiae;  illic  reperietur  non  Caroli  sed  Calvini  et  Vireti  rogatu  indictam  fuisse  synodum.  Nam  strenuus  ille  athleta,  ne  calumniae  causam  dicere  cogeretur,  Neocomum  se,  infixo  aculeo,  proripuerat.  Hactenus  id  me  saltem  consequutum  esse  [pag.  36]  arbitror,  ut  Carolo  nihilo  plus  habeatur  fidei  a  sanis  hominibus  quam  circumforaneo  alicui  scurrae.  Hoc  ideo  dico  ut  mihi  ignoscant  lectores,  si  in  vanitate  fabulosae  narrationis,  quam  de  synodo  Lausannensi  contexit,  refellenda,  non  diutius  immorer.  Rem,  ut  fuit,  simpliciter  proponam,  quae  refutationi  abunde  sufficiet.  Deinde  si  quod  in  eius  libello  mendacium  erit  prae  aliis  notabile,  breviter  indicabo.  Lausannam  quum  ventum  esset,  synodus  in  templum  Franciscanorum  coacta  fuit.  Aderant  ex  agro  Bernensi  ministri  verbi  plus  centum,  ex  comitatu  Neocomensi  circiter  viginti,  ex  ecclesia  Grenevensi  tres  duntaxat.  Post  solennem  precationem  proposuit  Megander,  qui  tunc  Bernensis  ecclesiae  pastor  erat,  atrocem  illam  Caroli  criminationem,  qua  fratres  permultos  detulerat,  quasi  non  recte  sentirent  de  trinitate  et  aeterna  divinitate  Christi.  Quoniam  eo  sponte  venerant  G-enevenses  Farellus,  Calvinus  et  Coraldus,  nec  purgatio  ulla  ab  eis  exigebatur,  donec  voluntarii  prodirent  in  medium,  primus  Viretus  rogatus  est  quidnam  sentiret;  cuius  confessio  hanc  summam  habuit:  Nos  dum  unum  Deum  confitemur,  sub  una  divinitatis  essentia,  patrem  cum  aeterno  suo  verbo  et  spiritu  complectimur.  Sic  enim  patrem  appellamus  Deum,  ut  filium  spiritumque  eius  cum  ipso  verum  aeternumque  Deum  praedicemus.  Neque  tamen  aut  patrem  cum  verbo,  aut  cum  spiritu  verbum  confundimus,  [pag.  37]  Credimus  enim  alium  esse  a  patre  filium,  rursus  a  filio  spiritum  differre,  tametsi  una  sit  essentia;  ideoque  neque  patrem  neque  spiritum,  sed  verbum  carnem  factum  esse  dicimus,  ut  verus  Deus  et  verus  homo  unus  sit  Christus.  Nam  secundum  tempus  redemptioni  nostrae  definitum,  carnem  nostram  induit  et  eandem  nobiscum  humanitatem  participavit,  naturis  duabus  non  confusis  sed  unitis.  Haec  confessionis  formula  ex  Vireti  responsione  collecta  legatis  data  fuit,  quam  senatui  suo  obtulerunt.  Haec  est  confessio  quam  Carolus  nimis  macram  et  ieiunam  fuisse  insimulat;  et  sane  quum  syllabam  unam  carpere  in  ea  non  posset,  multis  tamen  verbis  persuadere  conatus  est,  minime  esse  recipiendam  pro  legitima,  quod  nimium  20*