55:310  confingunt,  ne  sint  unius  Christi  clientes.  Nam  etsi  fratres  orant  pro  fratribus,  unum  tamen  patronum  omnes  sine  exceptione  respiciunt.  Dubium  itaque  non  est  quin  totidem  Christo  idola  opponant  papistae  quot  sibi  patronos  comminiscuntur.  Obiter  vero  notandum  est,  nimis  crasse  errare  eos  qui  patris  genibus  Christum  advolvunt,  ut  pro  nobis  oret.  Tollendae  sunt  eiusmodi  imaginationes,  quae  coelesti  Christi  gloriae  derogant:  ac  retinenda  simplex  doctrina,  fructum  mortis  eius  recentem  ac  perpetuum  nobis  constare,  quod  sua  intercessione  Deum  nobis  propitiet,  precesque  nostras  tam  sacrificii  sui  odore  sanctificet,  quam  patrocinii  favore  adiuvet.  2.  Non  pro  nostris  solum.  Amplificationis  causa  hoc  addidit,  ut  certo  persuasi  sint  fideles,  expiationem  a  Christo  partam  ad  omnes  extendi  qui  evangelium  fide  amplexi  fuerint.  Sed  hic  movetur  quaestio,  quomodo  mundi  totius  peccata  expientur.  Omitto  phreneticorum  deliria,  qui  hoc  praetextu  reprobos  omnes,  adeoque  Satanam  ipsum  in  salutem  admittunt  Tale  portentum  refutatione  indignum  est.  Qui  hanc  absurditatem  volebant  effugere,  dixerunt,  sufficienter  pro  toto  mundo  passum  esse  Christum:  sed  pro  electis  tantum  efficaciter.  Vulgo  haec  solutio  in  scholis  obtinuit.  Ego  quamquam  verum  esse  illud  dictum  fateor:  nego  tamen  praesenti  loco  quadrare.  Neque  enim  aliud  fuit  consilium  Iohannis,  quam  toti  ecclesiae  commune  facere  hoc  bonum.  Ergo  sub  omnibus,  reprobos  non  comprehendit:  sed  eos  de*  signat  qui  simul  credituri  erant,  et  qui  per  varias  mundi  plagas  dispersi  erant.  Tunc  enim  vere,  ut  par  est,  illustratur  Christi  gratia,  quum  unica  esse  mundi  salus  praedicatur.  3.  Atque  in  hoc  cognoscimus  quod  cognovimus  eum1  si  praecepta  eius  servamus.  4.  Qui  dicit,  Novi  eum,  et  praecepta  eius  non  servat,  mendax  est,  et  in  eo  veritas  non  est.  5.  Qui  vero  servat  eius  sermonem^  vere  in  ipso  caritas  Dei  perfecta  est.  In  hoc  cognoscimus  quod  in  ipso  sumus.  6.  Qui  dicit  se  in  eo  manere  j  debet,  sicuti  ille  ambulavit,  ita  et  ipse  ambulare.  3.  Atque  in  hoc.  Postquam  doctrinam  illam  de  gratuita  peccatorum  remissione  tractavit,  iterum  ad  exhortationes  redit  illi  annexas,  et  quae  ab  ea  dependent.  Ac  primo  quidem  admonet,  non  otiosam  esse  Dei  notitiam,  quae  ex  evangelio  concipitur:  sed  parere  ex  se  obedientiam.  Postea  ostendit  quid  maxime  a  nobis  Deus  flagitet,  quid  sit  in  vita  praecipuum:  nempe  ut  Deum  amemus.  Quod  de  viva  Dei  cognitione  hic  legimus,  non  temere  scriptura  passim  repetit.  Mundo  enim  nihil  magis  tritum  est,  quam  pietatis  doctrinam  trahere  ad  frigidas  speculationes.  In  hunc  modum  a  sorbonicis  sophistis  adulterata  fuit  theologia,  ut  ex  tota  eorum  20*