51:310  qu'il  les  y  conferme  par  sa  main  forte,  et  leur  donne  une  constance  et  fermete  invincible:  maintenant  il  adiouste,  que  ce  qu'il  testifie,  Dieu  cognoist  que  c'est  a  bon  escient  et  sans  feintise.  Car  il  proteste  ici  des  prieres  qu'il  fait,  quand  il  est  retire  a  part,  et  que  nul  ne  peut  scavoir  ce  qu'il  pense,  et  ce  qu'il  dit  et  prononce  de  sa  bouche,  qu'alors  devant  Dieu  il  ratifie  ceste  doctrine,  d'autant  qu'il  le  prie  qu'il  vueille  parachever  ce  qu'il  a  commence.  Ici  donc  en  premier  lieu  nous  avons  a  observer  que  ceux  qui  voudront  que  leur  labeur  profite  pour  l'edification  de  l'Eglise,  et  qui  ont  un  vray  zeie^  non  seulement  se  doyvent  employer  a  la  doctrine,  mais  doyvent  aussi  quant  et  quant  prier  Dieu  qu'il  besongne  par  sa  vertu  et  par  sa  grace:  car  souvent  cela  sera  cause  que  nous  ne  ferons  que  batre  l'eau,  encores  que  nous  ayons  un  langage  Angelique,  d'autant  que  nous  ne  prions  pas  Dieu  qu'il  face  valoir  la  doctrine  que  nous  preschons.  Car  nous  sommes  instrumens  inutiles:  et  quand  il  nous  a  donne  langage,  il  faut  qu'il  le  face  valoir:  comme  il  est  dit  que  celuy  qui  plante  n'est  rien,  ne  celuy  qui  arrouse  n'est  rien:  mais  c'est  Dieu  qui  donne  l'accroissement,  comme  il  en  parle  en  l'autre  lieu,  c'est  a,  scavoir  au  3.  chap.  de  la  premiere  aux  Corin.  Puis  qu'ainsi  est  donc,  que  ceux  qui  ont  la  charge  d'enseigner  en  l'Eglise  cheminent  en  crainte  et  solicitude,  et  que  non  seulement  ils  s'efforcent  de  gagner  les  hommes  a  Dieu,  mais  qu'avec  humilite  ils  recognoissent  qu'ils  ne  peuvent  rien,  et  qu'ils  ne  feroyent  que  ietter  un  son  en  l'air  qui  seroit  bien  tost  esvanouy,  sinon  que  Dieu  besongnast  par  la  vertu  secrete  de  son  Esprit.  C'est  donc  ce  que  nous  avons  a  retenir  de  ce  que  nous  dit  ici  S.  Paul:  mais  aussi  en  general  chacun  doit  appliquer  cela  a  son  usage.  Quand  donc  nous  venons  pour  estre  enseignez  en  la  parole  de  Dieu,  ou  que  chacun  lit  en  son  prive,  ne  pensons  pas  que  nous  ayons  le  sens  assez  subtil,  que  nous  soyons  assez  habiles  gens  pour  comprendre  tout  ce  que  l'Escriture  nous  monstre  :  mais  en  confessant  nostre  bestise,  que  nous  prions  Dieu  qu'il  face  valoir  sa  doctrine  tellement  qu'elle  ne  nous  eschappe  point.  Mais  cela  sera  mieux  cognu  par  la  procedure  que  tient  ic��  20*