50:310  de  nostre  Seigneur  Iesus  Christ,  que  cela  nous  doit  estre  en  execration:  car  (comme  il  sera  declare  tantost  plus  a  plein)  ils  renversent  l'Evangile  de  nostre  Seigneur  Iesus  Christ.  Et  c'est  une  chose  bien  detestable,  que  l'Evangile  qui  est  le  fondement  de  nostre  salut,  et  qui  est  aussi  la  clef  pour  nous  ouvrir  la  porte  de  Paradis,  soit  renverse:  c'est  tout  nostre  bien,  c'est  le  Royaume  de  Dieu  duquel  nous  sommes  comme  bannis,  et  ne  pouvons  avoir  nulle  approche  a  luy,  iusques  a  ce  qu'il  nous  ait  fait  le  chemin  par  le  moyen  de  l'Evangile,  a  fin  que  nous  soyons  son  peuple,  et  qu'il  soit  nostre  Roy,  et  que  nous  soyons  conduits  et  gouvernez  sous  son  empire.  Voila  donc  des  biens  inestimables  qui  sont  comprins  en  l'Evangile,  c'est  que  Dieu  ;se  reconcilie  avec  les  hommes:  c'est  que  la  porte  de  Paradis  nous  est  ouverte:  c'est  que  nostre  Seigneur  Iesus  Christ  nous  est  donne  pour  nostre  heritage,  que  nous  soyons  faits  participans  de  tous  les  biens  qu'il  nous  a  eslargis  :  que  nous  soyons  asseurez  de  nostre  salut  eternel.  Or  quand  tout  cela  est  renversej  ne  vaudroit-il  pas  mieux  que  tout  le  monde  perist,  et  qu'il  fust  abysme?  Voila  donc  pourquoy  sainct  Paul  declare  que  tous  ceux  qui  nous  viennent  barbouiller,  apres  que  nous  aurons  este  fidelement  enseignez,  et  que  ceux  qui  apporteront  quelques  curiositez,  ou  qui  meslent  ceci  ou  cela  de  leur  propre  fantasie,  ceux-la  destournent  les  hommes  du  Royaume  de  Dieu,  et  de  son  siege  royal,  a  ce  qu'ils  ne  soyent  plus  gouvernez  de  luy,  que  le  sceptre  de  nostre  Seigneur  Iesus  Christ  ne  soit  plus  esleve  entr'eux  pour  leur  salut.  Or  si  l'honneur  de  Dieu  nous  est  cher  comme  il  doit,  si  ce  nous  est  une  chose  precieuse  que  de  communiquer  a  tous  biens  celestes,  que  nostre  salut  aussi  nous  soit  recommande:  q^uand  il  y  viendra  de  tels  brouillons,  qui  taschent  d'aneantir  toute  maieste  de  Dieu,  et  la  grace  de  nostre  Seigneur  Iesus  Christ,  et  mesmes  aussi  nostre  salut,  ne  faut-il  pas  que  chacun  de  nous  les  fuye,  et  qu'on  les  reiette  comme  des  pestes  les  plus  mortelles  du  monde?  Voila  donc  en  somme  ce  que  nous  avons  a  observer,  c'est  que  nous  adherions  d'une  si  bonne  affection  a  l'Evangile,  que  nous  ne  puissions  souffrir  ne  porter  qu'on  nous  desbauche  en  facon  que  ce  soit,  ne  qu'on  nous  vienne  brouiller  nos  sens  pour  nous  apporter  quelque  chose  d'avantage:  combien  que  les  hommes  qui  parlent,  ayent  grand  scavoir,  qu'ils  soyent  subtils  et  aigus  et  fort  eloquens,  que  toutesfois  nous  reiettions  tout  cela  comme  chose  execrable,  qui  seroit  pour  nous  faire  divertir  de  la  purete  de  l'Evangile.  Voila  de  quoy  nous  sommes  ici  enseignez  par  sainct  Paul.  Or  quand  il  a  parle  ainsi,  il  adiouste,  Que  si  luy,  ou  un  Ange  venoit  pour  annoncer  autre  Evangile  que  celuy  que  ies  Galatiens  avoyent  ouy  et  entendu,  20*