49:310  4.  Gratias  ago,  ete.  Postquam  in  salutatione  autoritatem  a  persona  sibi  imposita  comparavit,  nunc  gratiam  doctrinae  suae  conciliat,  amorem  erga  eos  suum  exponendo.  Et  hoc  modo  praemollit  eorum  animos  ad  obiurgationes  patienter  audiendas.  Amoris  vero  fidem  facit  a  signis  posterioribus,  quod  perinde  ostendit  eorum  bonis  se  laetari,  ac  si  collata  sibi  forent:  quod  affirmat  se  benigne  de  ipsis  sentire,  et  spem  bonam  in  posterum  habere.  Porro  sic  temperat  gratulationem,  ut  nullam  illis  praebeat  se  efferendi  materiam:  quoniam  omnia  eorum  bona  refert  accepta  Deo,  ut  solida  laus  ad  ipsum  redeat,  quum  eius  sint  gratiae.  Quasi  dicat:  Ego  quidem  vobis  gratulor,  sed  ita  ut  laudem  Deo  tribuam.  Deum  quod  suum  appellat  quid  hoc  valeat,  dixi  m  Epistola  ad  Romanos.  Porro  sicut  adulari  Corinthiis  noluit  Paulus,  ita  nec  falso  eos  laudavit.  Quamvis  enim  non  omnes  digni  talibus  encomiis  essent  et  pleraque  praeclara  Dei  dona  ambitione  corrumperent  :  tamen  ipsa,  quia  per  se  laudem  merebantur,  contemnere  non  debuit.  Deinde  quia  in  aedificationem  omnium  conferuntur  spiritus  gratiae,  merito  eas  tanquam  communes  totius  ecclesiae  dotes  recenset.  Sed  videamus  quid  in  illis  praedicet.  Propter  gratiam,  ete.  Generale  hoc  est:  comprehendit  enim  omne  genus  bona,  quae  consequuti  erant  per  evangelium.  Nomen  enim  gratiae,  non  favorem  Dei,  sed  |X��T(0VO(JLCX(I)C  dona,  quae  gratuito  largitur  hominibus,  significat.  Mox  descendit  ad  species,  quum  dicit  eos  ditatos  esse  in  omnibus:  et  quae  sint  illa  omnia  exprimit,  nempe  doctrina  et  sermo  Dei.  His  enim  divitiis  abundare  Christianos  decet:  quae  etiam  eo  pluris  aestimandae  sunt  nobis,  maiorique  in  pretio  habendae,  quo  magis  vulgo  contemnuntur.  Particulam  in  ipso,  relinquere  malui  quam  vertere  per  ipsum:  quia  plus  expressionis  et  energiae  (meo  quidem  iudicio)  habet.  Ditamur  enim  in  Christo,  eo  quod  simus  corporis  eius  membra1),  et  quatenus  in  ipsum  sumus  insiti:  imo  unum  cum  eo  effecti,  nobiscum  quaecunque  a  patre  accepit,  communicat.  6.  Quemadmodum  testimonium,  ete.  Secus  vertit  Erasmus:  nempe,  his  rebus  confirmatum  in  illis  fuisse  testimonium  Christi,  cognitione  scilicet  ac  verbo.  Sed  aliter  sonant  verba:  quae  si  non  torqueantur,  facilem  habent  sensum:  nempe  quod  evangelii  sui  veritatem  Deus  consignaverit  inter  Corinthios,  ut  certior  foret.  Dupliciter  autem  id  fieri  potuit,  vel  per  miracula,  vel  per  interius  spiritus  sancti  testimonium.  Videtur  Chrysostomus  de  miraculis  accipere,  sed  ego  latius  extendo:  ac  primo  quidem  certum  est,  confirmari  proprie  evangelium  apud  nos  fide:  quia  dum2)  fide  recipitur  a  *)  et  cum  illo  communicamus.  2)  nisi  .  .  .  non