25:310  pronunciavit  quid  rectum  ac  aequum  esset.  Disceptatio  enim  coram  omnibus  habita,  animos  erigere  debuit,  ut  saltem  feminas  imitarentur.  3.  Fater  noster  mortuus  est.  Rationem  adducunt  minime  spernendam,  quod  mortuus  fuerit  pater  ex  quo  Deus  ad  praesentem  terrae  fruitionem  populum  vocaverat:  nam  si  longius  producta  fuisset  disceptatio,  multas  lites  gignere  poterat.  Ergo  restrictio  ex  temporis  circumstantia  ius  earum  adiuvit.  Secundo  obiiciunt,  patrem  nullo  crimine  esse  promeritum  cur  abdicaretur  a  communi  sorte,  nam  sub  conspiratione  Dathan  et  Abiran  (meo  iudicio)  per  synecdochen  comprehendunt  alia  scelera,  quorum  poena  posteros  constringat.  Ideo  privatum  eius  peccatum  publicae  ignominiae  opponitur:  sic  enim  interpretor  quod  dicunt  mortuum  esse  in  suo  peccato.  Ac  certe  pueriliter  Iudaei  eum  esse  nugantur  qui  ligna  collegerat  Sabbatho,  vel  unum  ex  eorum  numero  qui  interfecti  sunt  morsu  serpentum.  Coactum  vero  est  id  referre  ad  maledictionem,  cui  totum  genus  humanum  subiectum  est.  Privatum  itaque  peccatum  a  publico  scelere  discernunt  quod  abdicatione  dignum  esset,  ne  deterior  sit  patris  conditio  quam  alterius  cuiuslibet.  Interea  principium  retinent  a  communi  pietatis  sensu  dictatum,  quia  mors  Dei  maledictio  est,  peccati  mercedem  esse.  5.  Retulit  autem  Moses  causam.  Credibile  est  vel  sententiis  fuisse  variatum,  vel  tanquam  in  re  obscura  et  ambigua  suspensas  fuisse  iudicum  mentes.  Utile  quidem  fuit  legem  ferri  divinitus,  ne  qua  in  posterum  controversia  nasceretur.  Nam  si  de  re  praesenti  pronunciatum  fuisset  hominum  sententiis,  nondum  forte  satis  domita  fuisset  multorum  obstinatio.  Notanda  vero  Mosis  pia  modestia,  quem  non  pudet  ignorantiam  fateri,  donec  ex  ore  Dei  fuerit  edoctus.  Atqui  legem  quadraginta  ante  annis  iam  promulgaverat:  sed  ad  discendum  semper  fuit  paratus.  Minime  porro  dubium  est  quin  Deus  eum  ad  petenda  oracula  compulerit  quoties  actum  fuit  de  rebus  maxime  seriis,  donec  omnibus  numeris  absoluta  esset  doctrina.  Etsi  autem  nunc  Deus  e  coelo  non  profert  quid  factu  opus  sit,  monentur  tamen  Mosis  exemplo  gubernatores  ad  Deum  confugere  in  negotiis  perplexis,  ut  eos  spiritu  prudentiae  instruat,  quo  certe  non  destituentur  si  eum  implorent:  quia  non  minus  ad  ipsos  exaudiendos  erit  facilis  quam  erga  Mosen  se  tunc  ostendit.  8.  Ad  filios  autem  Israel.  Hypothesis  occasio  ferendae  legis  fuit,  quae  perpetua  et  generalis  esset  regula  quoad  ius  haereditarium.  Etsi  autem  filias  Deus  praefert  aliis  omnibus  cognatis,  ubi  deest  proles  mascula,  excepto  tamen  primo  gradu  solos  masculos  ad  successionem  admittit:  atque  ita  usitatum  ordinem  servat.  Et  certe,  sexus  respectu,  excludere  suos  haeredes  perquam  iniquum  foret,  verum  ubi  a  suis  20*